"Azərbaycanın yürütdüyü çoxşaxəli xarici siyasət kursu Kiyevlə münasibətlərin inkişafına da əlverişli zəmin yaradır" - Bəhruz Quliyev
"Azərbaycan ilə Ukrayna arasında münasibətlər bu gün mürəkkəb beynəlxalq geosiyasi şəraitdə qarşılıqlı hörmətə, dövlətlərin ərazi bütövlüyünün tanınmasına və strateji tərəfdaşlıq prinsiplərinə əsaslanaraq inkişaf edir. Son dövrlərdə yüksək səviyyəli qarşılıqlı təmasların intensivləşməsi göstərir ki, tərəflər siyasi dialoqu yeni mərhələyə keçirməkdə maraqlıdırlar. Xüsusilə, Azərbaycan xarici işlər naziri Ceyhun Bayramovun Kiyevə rəsmi səfəri və Ukrayna xarici işlər naziri Andriy Sıbihanın bu səfərin strateji tərəfdaşlığı daha da gücləndirəcəyinə dair bəyanatı münasibətlərdə yeni dinamikanın formalaşdığını göstərir".
Bu fikirləri Sonxeber.az Səs qəzetinin baş redaktoru, siyasi ekspert Bəhruz Quliyev deyib.
Ekspert qeyd edib ki, Azərbaycan Rusiya-Ukrayna münaqişəsində balanslaşdırılmış siyasət yürüdərək beynəlxalq hüququn fundamental prinsiplərinə, xüsusilə dövlətlərin suverenliyi və ərazi bütövlüyünə dəstəyini ardıcıl şəkildə ifadə edir. Bununla yanaşı, rəsmi Bakı münaqişənin sülh yolu ilə həllinin tərəfdarı olduğunu dəfələrlə bəyan edib və humanitar yardım layihələri ilə Ukraynaya dəstəyini davam etdirib.
İkitərəfli münasibətlərin əsas istiqamətlərindən biri iqtisadi əməkdaşlıqdır. Azərbaycanın enerji sahəsində qazandığı təcrübə, logistika imkanları və tranzit potensialı Ukraynanın müharibədən sonrakı bərpa prosesində mühüm əhəmiyyət daşıya bilər. Eyni zamanda, Ukraynanın sənaye, tikinti və yüksək texnologiyalar sahəsindəki təcrübəsi Azərbaycan üçün də faydalı əməkdaşlıq imkanları yaradır. Bu istiqamətdə investisiya və yenidənqurma layihələri üzrə əməkdaşlığın genişləndirilməsi barədə müzakirələr aparılır.
"Hesab edirəm ki, Azərbaycan-Ukrayna münasibətləri təkcə ikitərəfli maraqlarla məhdudlaşmır. Bu əməkdaşlıq Qara dəniz-Xəzər hövzəsində nəqliyyat dəhlizlərinin inkişafına, enerji təhlükəsizliyinin möhkəmlənməsinə və Avrasiya məkanında yeni iqtisadi əlaqələrin formalaşmasına da töhfə verə bilər. Azərbaycanın yürütdüyü çoxşaxəli xarici siyasət kursu Kiyevlə münasibətlərin inkişafına da əlverişli zəmin yaradır.
Bugünkü reallıq göstərir ki, Bakı və Kiyev qarşılıqlı etimadı qorumaqla siyasi dialoqu, iqtisadi əlaqələri və humanitar əməkdaşlığı daha da dərinləşdirmək niyyətindədirlər. Bu isə strateji tərəfdaşlığın gələcək illərdə daha praktik nəticələr verməsinə imkan yarada bilər." - deyə, B.Quliyev əlavə edib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri