Mənzil sahibi olmaq istəyənlərin NƏZƏRİNƏ: Bu RİSKLƏR var
Yeni mənzil alışı böyük maliyyə qərarı olduğundan, alıcıların tələsik seçim etməsi sonradan ciddi hüquqi və maliyyə problemlərinə səbəb ola bilər. Xüsusilə sənədlərin yoxlanılmaması, tikinti şirkətinin etibarlılığının araşdırılmaması, mənzilin real bazar dəyərinin düzgün qiymətləndirilməməsi və müqavilə şərtlərinə diqqət edilməməsi əsas risklər sırasında yer alır.
Bəs, yeni mənzil alarkən alıcılar ən çox hansı səhvlərə yol verirlər və daşınmaz əmlaka investisiya etməzdən əvvəl mümkün riskləri minimuma endirmək üçün hansı məqamlara diqqət yetirmək lazımdır?
Məsələ ilə bağlı Sonxeber.az-a açıqlama verən əmlak məsələləri üzrə ekspert Elnur Azadov bildirib ki, hər bir daşınmaz əmlakın özünəməxsus riskləri və investisiya riskləri var.
"Ən böyük risklərdən biri sənədsiz fərdi evlərin alqı-satqısıdır. Eyni zamanda, kommersiya və digər obyektlərin alışında da risklər mövcuddur. Belə obyektlərin ya ümumiyyətlə sənədi olmur, ya da sənədləri qaydasında olmur. İkinci riskli kateqoriyaya natamam tikililəri aid etmək olar. Belə obyektlərdə çıxarış olmur. Hətta tikintisi başa çatmış, lakin uzun müddətdir istismara qəbul aktı olmayan tikililər də daşınmaz əmlak bazarında riskli hesab olunur. Bu cür hallarda alqı-satqının müqavilə əsasında və ya şifahi razılaşma ilə həyata keçirilməsi müəyyən risklər yaradır".
Ekspert bildirib ki, ümumiyyətlə, qanunsuz daşınmaz əmlakın dövriyyəsinə Azərbaycanda qanunla yol verilmir:
"Bu baxımdan belə əmlaka investisiya yatırmaq da riskli hesab olunur. Son altı ayda gündəmdə olan məsələlərdən biri də su basan ərazilərdir. Bu ərazilərdə qanunsuz tikililər mövcuddur. Bəzi hallarda həmin obyektlərlə bağlı bələdiyyə sənədləri də təqdim olunur. Lakin qanunvericiliyə əsasən, bu cür sənədlərlə daşınmaz əmlakın dövriyyəsinə yol verilmir".
Onun sözlərinə görə, kənd təsərrüfatı və istehsalat sahələrində də özünəməxsus investisiya riskləri mövcuddur:
"Kənd təsərrüfatı təyinatlı torpaqlarda əsas məsələlərdən biri torpağın məhsuldarlığıdır. Burada torpağın məhsuldarlığının ölçülməsi və laboratoriya analizlərinin aparılması, eroziya vəziyyəti, su təminatı və digər amillər nəzərə alınmalıdır. Ona görə də kənd təsərrüfatı təyinatlı hər hansı torpağa investisiya qoyuluşu zamanı bütün bu amillər əvvəlcədən qiymətləndirilməli və həmin əmlakın özünəməxsus riskləri nəzərə alınmalıdır".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri