Zibil qutusuna bir neçə qaşıq tökün: Qoxu da, milçək də azalır

Yay aylarında artan istilik mətbəxdəki zibil qutularında pis qoxunun daha sürətli yaranmasına və milçəklərin bu bölgəyə yönəlməsinə səbəb ola bilər. Bunun qarşısını almaq üçün tövsiyə edilən sadə üsullardan biri zibil paketini taxmazdan əvvəl qutunun dibinə bir neçə xörək qaşığı soda səpməkdir.

Milli.Az xəbər verir ki, soda xüsusilə qida qalıqlarından qaynaqlanan pis qoxuların azalmasına kömək edir. Zibilin dibində yığılan nəmlik və mayelər qoxunun qısa müddətdə ağırlaşmasına səbəb olur, soda bu mühitin nəzarət altında saxlanmasını asanlaşdırır. Beləliklə, milçəkləri zibil qutusuna çəkən kəskin qoxunun da azaldır. Sodanın nəmlənməsi və ya paketdən maye sızması halında yenilənməsi lazımdır.

Ətirli yağlardan da istifadə etmək olar
Zibil qutusunda tətbiq oluna bilən digər bir üsul isə kiçik bir parça pambığa bir neçə damla limon, evkalipt və ya çay ağacı yağı damlatmaqdır. Pambıq paket yerləşdirilməzədən əvvəl qutunun dibinə qoyulur. Bu yağların kəskin qoxusu zibil qoxusunun qarşısının alınmasına kömək edərkən, xüsusilə isti günlərdə qutunun ətrafındakı narahatedici qoxunun azalmasını təmin edir. Bu üsullarla yanaşı, zibil qutusunun mütəmadi olaraq təmizlənməsi də vacibdir. Xüsusilə meyvə, tərəvəz, ət və yemək qalıqları isti havalarda qısa müddətdə xarab ola bildiyi üçün paketin uzun müddət saxlanmaması lazımdır. Qutunun yuyulduqdan sonra tamamilə qurutulması və dibində maye buraxılmaması da milçəklərin çoxalacağı mühitin yaranmasını çətinləşdirir.

Sodanın müəyyən fasilələrlə yenilənməsi və qutunun təmiz saxlanması ilə xüsusilə yay aylarında ortaya çıxan pis qoxu və milçək problemi əhəmiyyətli dərəcədə azaldıla bilər.

Telegramda izləyin