Jurnalist: Media azadlığı heç kimə başqa xalqı aşağılamaq hüququ vermir
Azərbaycan-Rusiya münasibətləri fonunda bəzi Rusiya media resurslarında Azərbaycan dövlətinə, xalqına və ölkə rəhbərliyinə qarşı təhqir və təhdid xarakterli ifadələrin səsləndirilməsi informasiya məkanında ciddi suallar doğurur. Xüsusilə media vasitəsilə yayılan bu cür ritorika yalnız jurnalistikanın peşə və etik prinsipləri baxımından deyil, iki ölkə arasında qarşılıqlı etimadın və ictimai münasibətlərin formalaşmasına təsiri baxımından da qiymətləndirilməlidir.
Bəs, dövlətə, xalqa və siyasi rəhbərliyə qarşı təhqir və təhdid xarakterli materialların mediada yayımlanması sivil jurnalistika və media etikası prinsiplərinə nə dərəcədə uyğundur və belə materiallar Azərbaycan-Rusiya informasiya münasibətlərinə, eləcə də iki ölkə arasında ictimai rəyə və qarşılıqlı münasibətlərə hansı təsirləri göstərə bilər?
Məsələ ilə bağlı Sonxeber.az-a açıqlama verən Azərbaycan Mətbuat Şurasının İdarə Heyətinin üzvü, jurnalist Hacıbəy Heydərli bildirib ki, Rusiyanın bəzi KİV-lərində Azərbaycan dövlətinə, xalqına və ölkə rəhbərliyinə qarşı təhqir və təhdidlərin yer aldığı materialların yayılmasını qəti şəkildə pisləyir.
"Təəssüf ki, Rusiyanın bəzi media resurslarında son vaxtlar peşəkar jurnalistika ilə təxribat arasında sərhədin açıq şəkildə pozulduğunu görürük. Belə materiallar informasiya verməkdən daha çox cəmiyyətlər arasında gərginlik yaratmağa, qarşılıqlı nifrəti körükləməyə xidmət edir. Əgər hansısa jurnalist və ya media qurumu özünü peşəkar hesab edirsə, ilk növbədə sözün məsuliyyətini anlamalıdır. Media azadlığı heç kimə başqa xalqı aşağılamaq, dövlətə qarşı təhdid səsləndirmək və yalan və təhqir üzərindən ictimai rəy formalaşdırmaq hüququ vermir".
Jurnalist bildirib ki, bu cür materiallara Rusiya jurnalistikasının öz daxilindən və beynəlxalq təşkilatlardan da ciddi reaksiya verilməlidir:
"Çünki həmkarının təhqir və təhdidlərini "söz azadlığı" adı altında müdafiə etmək peşə prinsiplərinə xəyanətdir. Azərbaycan mediası heç vaxt Rusiya xalqına qarşı düşmənçilik və nifrət dili üzərində jurnalistika qurmayıb. Bizim də qarşı tərəfdən gözləntimiz eynidir: fikir ayrılığı varsa, onu arqumentlə ifadə edin, faktla danışın, amma təhqirə və təhdidə əl atmayın"
Onun sözlərinə görə, Azərbaycan dövlətinə, xalqına və rəhbərliyinə qarşı təhqir və təhdid xarakterli materiallar yayanlar jurnalistika adı altında məsuliyyətsizliyi və təxribatı legitimləşdirə bilməzlər:
"Belə yanaşma iki ölkə arasında informasiya münasibətlərinə ciddi zərbə vurur və cəmiyyətlər arasında onsuz da həssas olan qarşılıqlı etimadı zədələyir. Jurnalistikanın gücü təhqirdə deyil, həqiqətdədir. Faktınız və arqumentiniz varsa, danışın. Yoxdursa, təhqir və təhdidə sığınmaq peşəkarlıq deyil, acizlikdir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda DƏHŞƏT: Avtobus gənc qızı vuraraq öldürdü
Novxanıda sərnişinlər avtobusda ekstrim yaşadı - Video
637 balla universitetə qəbul olmuşdu: Yataqxanada ölən tələbə ilə bağlı yeni təfərrüat
Rusiyalı milyarderlər Putindən sonrakı dövrə hazırlaşır: Kremldə hakimiyyət dəyişikliyi ssenariləri müzakirə olunur
Güclü küləklə bağlı xəbərdarlıq
Azərbaycan-Böyük Britaniya strateji tərəfdaşlığının gələcəyə hesablanmış istiqamətləri
Prezident İlham Əliyevdən milli teleradioya mühüm mesaj: Azərbaycan həqiqətlərinin təbliği strateji vəzifədir
Kadir İnanırın mirasının məbləği açıqlandı
Azərbaycan-Böyük Britaniya: regional sabitlik və qlobal əməkdaşlıq perspektivləri
Netanyahunun sosial şəbəkə hesablarına kiberhücum oldu - FOTO
1960-cı ildə proqnozlaşdırılan "qiyamət günü" gəldi
Azərbaycan-Böyük Britaniya münasibətlərində yeni mərhələ başlayır
Azərbaycan-Böyük Britaniya arasında əməkdaşliq perspektivləri