Sevgilisinin qızıllarını oğurladı, borclarını ödədi (TƏFƏRRÜAT)

Sevgilisinin qızıllarını oğurladı, borclarını ödədi (TƏFƏRRÜAT)Xırdalanda birlikdə yaşadığı qadının evdən çıxmasından istifadə edən şəxs onun qızıl-zinət əşyalarını oğurlayıb.

Qaynarinfo xəbər verir ki, həmin şəxs qızılları tanımadığı mağazaya 1800 manata satıb, əldə etdiyi pulu isə şəxsi ehtiyaclarına və borclarına xərcləyib.

Hüquq mühafizə orqanlarına müraciətdən sonra hadisəni törədən şəxs saxlanılıb. Ona qarşı Cinayət Məcəlləsinin 177.1-ci (oğurluq - özgənin əmlakını gizli olaraq talama) maddəsi ilə ittiham elan edilib. Cinayət işinə Abşeron Rayon Məhkəməsində baxılıb.

Məhkəmədə müəyyən edilib ki, qadın ərzaq almaq üçün evdən çıxarkən təqsirləndirilən şəxs ona 15 manat pul verib. Qadın evin qapısını bağlayaraq mağazaya gedib. Bundan sonra təqsirləndirilən şəxs pəncərədən onu çağıraraq açarı istəyib və dostunun gələcəyini deyib.

Açarı aldıqdan sonra isə qadının qızıllarını oğurlamaq qərarına gəlib. Yataq otağındakı dolabdan qızıl boyunbağı, iki qızıl klon, bir cüt qızıl sırğa və qızıl üzüyü götürərək evdən çıxıb.

Qadın mağazaya çatmamış evə qayıdıb və qapının açıq olduğunu görüb. Evdəki 4 yaşlı uşağını sakitləşdirdikdən sonra yataq otağına keçib. Dolabdakı qızılların olmadığını gördükdə təqsirləndirilən şəxsə zəng edib. Lakin ona cavab verilməyib.

Məhkəmədə təqsirləndirilən şəxs ittihamı qəbul edib. O, oğurladığı qızılları Bakı şəhəri, Nəsimi rayonunda yerləşən univermağda tanımadığı qızıl mağazasına 1800 manata satdığını bildirib. Əldə etdiyi pulu şəxsi ehtiyaclarına və borclarının qaytarılmasına xərclədiyini deyib.

Zərərçəkmiş şəxs isə oğurlanan qızıl-zinət əşyalarının ümumi dəyərinin 4900 manat olduğunu bildirib. Onun sözlərinə görə, əşyalar arasında 700 manat dəyərində qızıl boyunbağı, 200 və 1000 manat dəyərində iki qızıl klon, 3000 manat dəyərində bir cüt sırğa və brilyant dəst olub. O, dəymiş ziyanın ödənilmədiyini və qızılların qaytarılmasını istəyib.

Məhkəmə təqsirləndirilən şəxsə 1 il 3 ay müddətinə azadlıqdan məhrumetmə cəzası təyin edib.

Onun daha əvvəl başqa cinayət işi üzrə məhkumluğu da nəzərə alınıb. Abşeron Rayon Məhkəməsinin 2026-cı il tarixli hökmü ilə ona 2 il 6 ay müddətinə nəqliyyat vasitələrini idarə etmək hüququndan məhrum edilməklə 3 il 4 ay müddətinə azadlıqdan məhrumetmə cəzası təyin edilib.

Hazırkı iş üzrə verilmiş 1 il 3 aylıq cəza əvvəlki hökmlə təyin edilmiş cəza ilə qismən toplanıb və ona qəti olaraq 2 il 6 ay müddətinə nəqliyyat vasitələrini idarə etmək hüququndan məhrum edilməklə 4 il müddətinə azadlıqdan məhrumetmə cəzası təyin olunub.

Əvvəlki iş üzrə nəzərə alınmış 11 ay 10 gün və hazırkı iş üzrə tutulduğu 3 gün - ümumilikdə 11 ay 13 gün müddət cəzadan çıxılıb.

Nəticədə onun üzərində qəti olaraq 2 il 6 ay müddətinə nəqliyyat vasitələrini idarə etmək hüququndan məhrum edilməklə 3 il 17 gün müddətinə azadlıqdan məhrumetmə cəzası saxlanılıb.


Sonxeber.az
Telegramda izləyin
Sosial   Baxılıb: 700   Tarix: 19 avqust 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Məşhur salonlar şəbəkəsinin rəhbəri ilə bağlı məhkəmədən qərar

"Beautytime" salonlar şəbəkəsinin rəhbəri Könül Həmzəyevanın təqsirləndirilən şəxs qismində cəlb olunduğu işlərdən biri yekunlaşıb. "Unikal"a istinadən xəbər verir ki, xüsusi ittihamçı Röyal Masiyevin şikayəti əsasında Könül Həmzəyevanın Cinayət Məcəlləsinin 147.2-ci (ağır cinayə

16 noyabr
.

Qədəşovun kürəkəninə 11 il həbs - "Atland" müsadirə edildi

"Təbriz" MTK-nın xüsusilə külli miqdarda dələduzluqda və başqa cinayətlərdə ittiham olunan rəhbəri Nofəl Hacıyev və şirkətin icraçı direktoru Talış Məhəmmədovun cinayət işi üzrə məhkəmə araşdırması başa çatıb. "Qafqazinfo"nun əldə etdiyi məlumata görə, Bakı Ağır Cinayətlər Məhkəməsind

16 noyabr
.

Deputat Ağalar Vəliyevin oğluna məxsus "Kristal Bakı" vətəndaşları aldadır?

Ölkənin aparıcı tikinti şirkətlərindən biri olan "Kristal Bakı" ASC (VÖEN - 3103396091) satışa çıxardığı mənzilləri alıcılara fərqli qiymətlərlə təqdim edir. "Real Azərbaycan" xəbər verir ki, şirkətin rəsmi saytı - " vasitəsilə satışa çıxarılan mənzillərin aylıq ödəniş məbləğlər

16 noyabr
.

Milli teleradio ənənələri və dövlətçilik ideologiyası: Azərbaycan mediasının qarşısında duran yeni vəzifələr

Azərbaycanın milli dövlətçilik tarixində radio və televiziya yalnız informasiya yayımı vasitəsi deyil, həm də xalqın milli-mənəvi dəyərlərinin qorunması, tarixi yaddaşının yaşadılması və dövlətçilik ideologiyasının möhkəmləndirilməsi baxımından mühüm ictimai institutlardır. Prezident İlham Əliyevin Azərbayca

16 noyabr
.

Bakıda təcili yardım maşınında yük daşınır - Video

Bakıda təcili tibbi yardım avtomobili ilə yük daşınmasına dair görüntülər yayılıb. "Qafqazinfo" xəbər verir ki, görüntülər sosial şəbəkələrdə paylaşılıb. Görüntülərdən aydın olur ki, ambulansda tikinti materialları daşınır. Məsələ ilə bağlı Tibbi Ərazi Bölmələrini İdarəetmə Birliyindən (TƏBİB

16 noyabr
.

Bu ərazilərə qar yağır

Azərbaycanda müşahidə olunan faktiki hava açıqlanıb. Milli Hidrometeorologiya Xidmətindən -a verilən məlumata görə, ölkə ərazisində qeyri-sabit yağıntılı və küləkli hava şəraiti davam edir. Bəzi dağlıq ərazilərdə - Altıağac, Xınalıq, Qrız, Quba, Qusar, Şahdağ, Kəlbəcər, Laçın və Qubadlıda arabir qa

16 noyabr
.

Bakıda külək hasarı aşırdı - Qadın daşların altında qalıb öldü

Güclü külək Bakıda bədbəxt hadisəyə səbəb olub. "Qafqazinfo" xəbər verir ki, dünən saat 18:30 radələrində güclü külək Binəqədi rayonu Xocəsən qəsəbəsi Şollar küçəsi 100 ünvanındakı həyətin hasarını uçurub. Nəticədə, orada piyada hərəkət edən 1978-ci il təvəllüdlü Nuriyeva Samirə Nəsir qız

16 noyabr
.

Rəşid Mahmudovun evində partlayış baş verib?

Sosial şəbəkələrdə tanınmış həkim, tibb elmləri üzrə fəlsəfə doktoru Rəşid Mahmudovun evində qaz partlayışı baş verməsi ilə bağlı iddialar yayılıb. xəbər verir ki, paylaşımlarda iddia olunub ki, parlayış həkimin Badamdarda yerləşən evində baş verib. Məsələ ilə bağlı Rəşid Mahmudovla əlaqə saxladıq. Həki

17 noyabr
.

Ev sahibi kirayəçini məhkəmə qərarı olmadan evdən çıxara bilərmi? - Qanun nə deyir? - ƏMLAK EKSPERTİNDƏN AÇIQLAMA

Kirayə münasibətlərində ev sahibi ilə kirayəçi arasında yaranan mübahisələrdən biri də mənzilin boşaldılması tələbi ilə bağlıdır. Bəzi hallarda ev sahibləri kirayə haqqının gecikdirilməsini, müqavilə müddətinin başa çatmasını və ya mənzilə özlərinin ehtiyac duymasını əsas gətirərək kirayəçidən evi qıs

17 noyabr