Bakı Metropolitenində bu yeniliklər olacaq - AÇIQLAMA

Bakı Metropolitenində qatarlararası intervalın azaldılması sərnişin sıxlığının və stansiyalarda gözləmə müddətinin aşağı salınması baxımından mühüm addımdır. Hazırda Qırmızı xətt üzrə interval 2 dəqiqə 30 saniyəyə endirilib, Yaşıl xəttdə isə 3 dəqiqə 30 saniyə təşkil edir. Xətlərin ayrılması layihəsinin əsas məqsədlərindən biri də gələcəkdə qatarların daha intensiv hərəkətinə imkan yaratmaqdır.

Bəs, xətlərin ayrılması başa çatdıqdan sonra intervalın daha da azaldılması sərnişin sıxlığını nə dərəcədə azalda bilər və bunun üçün metroda hansı texniki və təhlükəsizlik tələblərinin təmin olunması vacibdir?
Məsələ ilə bağlı Sonxeber.az-a açıqlama verən nəqliyyat eksperti Eldəniz Cəfərov bildirib ki, metroda sərnişin sıxlığının və gözləmə müddətinin azaldılması üçün əsas görüləcək iş qatarlar arasındakı intervalın azaldılmasıdır.

"Bunun üçün hazırda işlər aparılır, yeni tunellər inşa olunur və mövcud metro xətlərinin ayrılması prosesi həyata keçirilir. Bu proses ona görə mühümdür ki, illərdir bu istiqamətdə təhlillər və araşdırmalar aparılır. Xətlərin ayrılması prosesi əslində bu gün başlamayıb, artıq bir müddətdir həyata keçirilir. Hətta bir neçə kilometr, ümumilikdə 30 kilometrdən çox tunel xətti çəkilib və bu proses davam etdirilir. Hazırda "Nizami" stansiyasında da bu istiqamətdə işlər görülür. Təhlükəsizlik baxımından da xətlərin ayrılması olduqca vacibdir. Çünki xətlərin kəsişməsi müəyyən hallarda qəza riskinin yaranmasına səbəb ola bilər".

Röyalə Xəyal

Telegramda izləyin