Qadın usta, gözəllik salonda baş verənləri ifşa etdi: "Müştəriləri öpürdü" - VİDEO

Türkiyənin Samsun şəhərində qadın salonunda çalışmış gənc qadının keçmiş müdiri barədə sosial mediada səsləndirdiyi iddialar gündəm olub. O, keçmiş salon sahibinin həm işçiləri, həm də müştəriləri narahat etdiyini və sərhədləri aşan davranışlar nümayiş etdirdiyini iddia edib.

Bu barədə Sonxeber.az xarici mediaya istinadla xəbər verir.

Keçmiş əməkdaşın sözlərinə görə, 42 yaşlı bərbər salona gələn qadınlara qarşı uyğun olmayan hərəkətlər edib. O, işçilərin də oxşar davranışlarla qarşılaşdığını bildirərək, "Adam açıq şəkildə toxunmağa çalışırdı. Məsələn, qız saç yuma bölməsində uzanır, gedib qəfil boynundan öpürdü. Qız da həmin anda nə deyəcəyini bilmirdi" deyə danışıb.

Gənc qadın keçmiş müdiri ilə ciddi mübahisə etdikdən sonra işdən ayrıldığını bildirib. Onun iddialarına görə, narahatlıq salon daxilində qalmayıb. Müştərilər də xidmət aldıqdan sonra sosial şəbəkələr vasitəsilə mesajlarla narahat ediliblər.

Keçmiş əməkdaş bu barədə çoxsaylı müştəridən şikayətlər eşitdiyini deyib: "Növbə alırsınız, gedib saçınızı düzəltdirirsiniz. Sonra mesaj qutunuzdan gələn mesajlar dayanmır". O, müştərilərdən aldığı çoxsaylı ekran görüntülərini də gördüyünü iddia edib.

Gənc qadın daha bir diqqətçəkən iddia səsləndirib. Onun sözlərinə görə, bəzi qadın müştərilər salon xidmətlərində endirim əldə etmək üçün bu davranışlara səssiz qalırdılar. O, yüksək məbləğli prosedurlara görə bəzi müştərilərin bu münasibətə göz yumduğunu iddia edərək buna etiraz edib.

Sosial mediada yayılan açıqlamalar geniş müzakirələrə səbəb olub. Qeyd olunanlar gənc qadının iddialarıdır və məsələ ilə bağlı hüquq-mühafizə orqanları tərəfindən aparılan araşdırmanın olub-olmaması barədə məlumat verilməyib.

Telegramda izləyin