İlbər Ortaylının qızı atasının son günlərindən danışdı: "Mənim üçün gözəl bir vida şansı oldu"

Martın 13-də çoxsaylı orqan çatışmazlığı səbəbilə vəfat edən tanınmış tarixçi Prof. Dr. İlber Ortaylının qızı Tuna Ortaylı atasının xəstəxanadakı son günləri ilə bağlı duyğusal açıqlamalar verib.

Sonxeber.az xarici mediaya istinadla xəbər verir ki, Mirgün Cabasın YouTube kanalına qonaq olan Tuna Ortaylı atasının səhhətindəki problemlərə və müalicələrə baxmayaraq səyahət etməkdən heç vaxt vaz keçmədiyini deyib.

"Atam çox səyahət edirdi. Bütün xəstəliklərə və müalicə proseslərinə baxmayaraq, yenə də gəzməyə davam edirdi. Evdə oturmağı heç sevmirdi. Onun nəşini haradansa təyyarə ilə gətirməli olacağıma əmin idim. Xəstəxanada yanında olmaq mənim üçün də gözəl bir vida şansı oldu", - deyə Tuna Ortaylı bildirib.

O, atasının son 15 il ərzində dəfn olunmaq istədiyi yerlə bağlı fikirlərinin bir neçə dəfə dəyişdiyini də açıqlayıb. İlber Ortaylı əvvəlcə Qara dənizə baxan bir yerdə, daha sonra Ayvalık və Geliboluda dəfn edilmək istədiyini deyib. Son illərdə isə Fatih məzarlığına dəfn olunmaq istədiyi məlum olub.

Tuna Ortaylı atasının həyatında istifadə etdiyi yeddi evdən də danışıb. Onun sözlərinə görə, bu evlər əsasən fərqli həyatları və təcrübələri yaşamaq istəyindən qaynaqlanırdı. Lakin həmin evlərin çoxu İlber Ortaylının zəngin kitab kolleksiyasının yerləşdirildiyi məkanlara çevrilmişdi. Yeşilköydəki evini isə kitabxana kimi istifadə etdiyi bildirilib.

Telegramda izləyin