ŞƏT platforması Bakı üçün əhəmiyyətli platformaya çevrilir - DEPUTAT

ŞƏT platforması Bakı üçün əhəmiyyətli platformaya çevrilir - DEPUTAT"Avqustun 31-də Bişkekdə bir neçə mühüm beynəlxalq və regional tədbirin eyni gündə keçirilməsi Azərbaycan diplomatiyası baxımından geniş imkanlar yaradıb. Şanxay Əməkdaşlıq Təşkilatının 25 illik yubileyinə həsr olunan sammit, Qırğızıstanın müstəqilliyinin 35 illiyi və VI Dünya Köçəri Oyunlarının açılışı çərçivəsində Prezident İlham Əliyev müxtəlif ölkələrin liderləri ilə çoxsaylı təmaslar qurub".

Bunu Sonxeber.az-a açıqlamasında Milli Məclisin deputatı Naqif Həmzəyev bildirib.

O, bildirib ki, İlham Əliyevin son bir ay ərzində Qırğızıstana ikinci dəfə səfər etməsi də diqqət çəkir:

"İyulun 30-31-də baş tutmuş dövlət səfərində Azərbaycan və Qırğızıstan arasında Müttəfiqlik Münasibətləri haqqında müqavilə imzalanmışdı. Qısa müddət ərzində qarşılıqlı səfərlərin və yüksək səviyyəli görüşlərin intensivləşməsi iki ölkənin əlaqələrinin artıq yalnız dostluq münasibətləri ilə məhdudlaşmadığını, daha konkret və institusional mərhələyə keçdiyini göstərir. Bişkekdəki görüşlər arasında Ermənistanın Baş naziri Nikol Paşinyanla keçirilən görüş xüsusi maraq doğurub. Danışıqlar zamanı 2025-ci il avqustun 8-də Vaşinqtonda qəbul edilmiş Birgə Bəyannamə və sülh sazişinin razılaşdırılmış mətninin paraflanması məsələləri ön plana çıxıb. Bu görüş həmçinin Azərbaycan-Ermənistan dialoqunun davam etdiyini göstərən siyasi təmas kimi qiymətləndirilir. ŞƏT sammitinin yaratdığı çoxtərəfli mühit isə tərəflərin birbaşa ünsiyyəti üçün əlavə imkan yaradıb".

Deputat bildirib ki, Qazaxıstan Prezidenti Kasım-Jomart Tokayevlə aparılan müzakirələrdə iki ölkə arasındakı strateji tərəfdaşlığın inkişafının davam etdirilməsi ön plana çıxıb:

"İran Prezidenti Məsud Pezeşkianla görüş isə regional təhlükəsizlik və mövcud gərginlik baxımından əhəmiyyətli olub. Bakı bu görüşdə də sülh və dialoqa üstünlük verdiyini ifadə edib. Tehranla əlaqələrin və açıq diplomatik kanalın qorunması sərhəd təhlükəsizliyi və nəqliyyat layihələri baxımından Azərbaycanın maraqlarına uyğundur. Görüş zamanı İlham Əliyevin Azərbaycan mineral suyunu Pezeşkiana təqdim etməsi və İran prezidentinin sudan içməsi də diqqətçəkən simvolik məqam olub. Dünya Köçəri Oyunlarının açılışı öncəsi Türkiyə Prezidenti Rəcəb Tayyib Ərdoğan, Özbəkistan Prezidenti Şavkat Mirziyoyev və İran Prezidenti Məsud Pezeşkianla baş tutan qeyri-rəsmi təmas da səfərin mühüm epizodlarından biri olub. Rəsmi protokoldan kənar bu görüş region dövlətləri arasında müxtəlif əməkdaşlıq formatlarının paralel şəkildə inkişaf etdiyini göstərir. Köçəri Oyunlarının ŞƏT sammiti ilə eyni vaxtda keçirilməsi də siyasi və mədəni əlaqələrin bir arada inkişaf etdirilməsi baxımından xüsusi məna daşıyır".

Onun sözlərinə görə, Bişkekdə yalnız rəsmi görüşlər deyil, kuluar təmasları da diqqət çəkib:

"Prezident İlham Əliyev və birinci vitse-prezident Mehriban Əliyeva BMT-nin Baş katibi Antonio Quterreş, Rusiya Prezidenti Vladimir Putin, Tacikistan Prezidenti Emoməli Rahmon və Pakistanın Baş naziri Şəhbaz Şəriflə qısa söhbətlər aparıblar. Bu təmaslar arasında Putinlə görüş xüsusilə diqqət çəkib. Bakı ilə Moskva arasında son dövrdə müşahidə olunan gərginlik fonunda iki liderin açıq və sərbəst şəkildə ünsiyyətdə olması münasibətlərin normallaşması istiqamətində mesaj kimi qəbul edilə bilər. Quterreşlə təmas Azərbaycanın beynəlxalq təşkilatlarla əlaqələrini davam etdirdiyini, Rahmon və Şəriflə söhbətlər isə Mərkəzi və Cənubi Asiya istiqamətində əlaqələrin genişləndiyini göstərir. Bişkek görüşlərinin ümumi mənzərəsində Azərbaycanın xarici siyasətinin bir neçə əsas istiqaməti görünür. Ermənistanla sülh gündəliyinin davam etdirilməsi, İranla münasibətlərdə dialoqun saxlanılması, Qazaxıstan və Qırğızıstanla müttəfiqlik əlaqələrinin möhkəmləndirilməsi, Türk dünyası ölkələri ilə siyasi və mədəni əməkdaşlığın genişləndirilməsi əsas xəttlər kimi diqqət çəkir.

Naqif Həmzəyev qeyd edib ki, bir gün ərzində müxtəlif formatlarda bu qədər çoxsaylı təmasların keçirilməsi Azərbaycanın Mərkəzi Asiya siyasətinin sistemli xarakter aldığını göstərir. ŞƏT platforması da Bakı üçün artıq yalnız iqtisadi əməkdaşlıq məkanı deyil, regional təhlükəsizlik, siyasi dialoq və müxtəlif dövlətlərlə diplomatik əlaqələrin inkişaf etdirilməsi baxımından əhəmiyyətli platformaya çevrilir.

Röyalə Xəyal


Sonxeber.az
Telegramda izləyin
Siyasət   Baxılıb: 341   Tarix: 01 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

İlham Əliyevlə xanımını belə qarşıladılar - Video - Fotolar

Azərbaycan Prezidenti İlham Əliyevin noyabrın 21-də Vyetnam Sosialist Respublikasının paytaxtı Hanoyda rəsmi qarşılanma mərasimi olub. "Qafqazinfo" xəbər verir ki, Vyetnamın və Azərbaycanın Dövlət bayraqlarının dalğalandığı meydanda Prezident İlham Əliyevin şərəfinə fəxri qarovul dəstəsi düzülmüşdü

21 noyabr
.

Yeni Azərbaycan Partiyası - 34 illik siyasi tarix, güclü dövlətçilik və milli inkişaf strategiyasının təcəssümü

Azərbaycanın müasir siyasi tarixində Yeni Azərbaycan Partiyasının yaradılması dövlətçilik salnaməmizin ən mühüm hadisələrindən biridir. 1992-ci il noyabrın 21-də təsis edilən partiya ölkənin müstəqilliyinin ciddi təhlükələrlə üzləşdiyi, siyasi böhranın dərinləşdiyi, idarəçilik sisteminin zəiflədiyi v

17 noyabr
.

Prezident İlham Əliyev: "Bu gün Azərbaycan Cənubi Qafqazda əsas logistika və energetika habıdır"

"Bu gün Vyetnam Cənub-Şərqi Asiyada dinamik inkişaf edən ölkədir, Azərbaycan isə Cənubi Qafqazda əsas logistika və energetika habıdır". AZƏRTAC-a istinadən xəbər verir ki, bu sözləri Prezident İlham Əliyev Vyetnam Xəbər Agentliyinə (VNA) müsahibəsində söyləyib. "Qüvvələrimizi birləşdirərə

19 noyabr
.

Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?

"Azərbaycan-Vyetnam əməkdaşlığı tarixində yeni səhifə açılır. Bunun zəruriliyi bir neçə amillə izah olunur. İlk növbədə, Azərbaycan-Vyetnam münasibətlərinin tarixi ənənələrə və möhkəm köklərə malik olduğunu qeyd etmək lazımdır. İkinci Dünya müharibəsindən sonra əsası qoyulan əlaqələr ötən 80 il

20 noyabr
.

Mariam Kvrivişvili İlham Əliyevin qəbulunda - Fotolar

Azərbaycan Prezidenti İlham Əliyev bu gün Gürcüstanın Baş nazirinin müavini, iqtisadiyyat və davamlı inkişaf naziri Mariam Kvrivişvilini qəbul edib. "Qafqazinfo" xəbər verir ki, söhbət zamanı bu ilin aprelində Azərbaycan Prezidentinin Gürcüstana dövlət səfəri, həmçinin Mariam Kvrivişvilini

17 noyabr
.

Prezidentlər Birgə Bəyanat qəbul etdilər - Fotolar

Noyabrın 21-də Hanoyda Azərbaycan Prezidenti İlham Əliyev və Vyetnam Prezidenti To Lam "Azərbaycan Respublikası Prezidentinin və Vyetnam Kommunist Partiyasının Mərkəzi Komitəsinin Baş katibi, Vyetnam Sosialist Respublikası Prezidentinin Birgə Bəyanatı"nı qəbul ediblər. "Qafqazinfo"

21 noyabr
.

Təbiətin möcüzəsi - Kəlbəcər azaddır

İkinci Qarabağ müharibəsi Azərbaycanın şanlı qələbəsi ilə başa çatmaqla çoxəsrlik tariximizin heç zaman unudulmayacaq səhifəsini yazdı. Dövlətimizin başçısı, Silahlı Qüvvələrin Ali Baş Komandanı İlham Əliyev noyabrın 25-də Kəlbəcərin işğaldan azad edilməsi münasibətilə xalqa müraciətində bir daha bildird

21 noyabr
.

Prezident və xanımının şərəfinə rəsmi nahar verilib

Noyabrın 21-də Hanoyda Vyetnam Sosialist Respublikasının Prezidenti To Lamın və xanımı No Fon Linin adından Azərbaycan Respublikasının Prezidenti İlham Əliyevin və birinci xanım Mehriban Əliyevanın şərəfinə rəsmi nahar verilib. AZƏRTAC-a istinadən xəbər verir ki, prezidentlər tədbirdə çıxış ediblər

21 noyabr
.

25 Noyabr - Kəlbəcər Şəhəri Gününü qalib və güclü ölkənin vətəndaşları kimi qeyd etmək qürurvericidir

2020-ci il noyabrın 25-i Azərbaycan tarixinə Kəlbəcərin erməni işğalından azad edildiyi gün kimi yazılıb. Prezident İlham Əliyevin 2023-cü il iyulun 31-də imzaladığı Sərəncama əsasən, bu şanlı tarix Kəlbəcər Şəhəri Günü kimi qeyd olunur. Kəlbəcər 1930-cu il avqustun 8-də inzibati rayon statusu alıb

21 noyabr