Antiterror əməliyyatı və seperatizmə son qoyulması
Qarabağ Zəfərinin davamı olaraq 2023-cü il sentyabrın 19-20-də Azərbaycan Ordusunun apardığı birgünlük lokal xarakterli antiterror tədbirləri nəticəsində ölkəmiz həm ərazi bütövlüyünü, həm də suverenliyini tam bərpa etdi.
2023-cü il sentyabrın 19-da, Qarabağ bölgəsində qanunsuz yerləşdirilmiş erməni silahlı birləşmələri genişmiqyaslı hərbi təxribatlar və terror aktları həyata keçirdi. Əhmədbəyli-Füzuli-Şuşa avtomobil yoluna əvvəlcədən quraşdırılmış minaların partlaması nəticəsində mülki şəxslər və Daxili Qoşunların hərbi qulluqçuları arasında həlak olanlar və yaralananlar oldu.
Azərbaycan Ordusu Konstitusiya quruluşunu bərpa etmək və təxribatların qarşısını almaq məqsədilə lokal antiterror tədbirlərinə başladı. 24 saatdan qısa müddət ərzində separatçılar ağ bayraq qaldırmağa məcbur oldular. Qarabağda yaşayan erməni icmasının nümayəndələrinin Rusiya sülhməramlıları vasitəsilə müraciəti nəzərə alınaraq, 20 sentyabr 2023-cü il, saat 13:00-da tam atəşkəs razılaşması əldə olundu. Razılaşmaya əsasən, Ermənistanın Qarabağdakı silahlı qüvvələri və qeyri-qanuni erməni hərbi birləşmələri tərk-silah edilərək döyüş mövqelərini tərk etməli oldu. Sentyabrın 28-də qondarma rejimin rəhbəri separatçı qurumun ləğvi ilə bağlı sənəd imzaladı. Bununla da, 24 saatdan az müddətdə həyata keçirilən antiterror tədbirləri nəticəsində Ermənistan ordusu Azərbaycan ərazisini tərk etdi. Qarabağdakı qanunsuz rejim ləğv edildi. Xankəndi, Xocalı, Ağdərə, Xocavənd və Əsgəranda üçrəngli Azərbaycan bayrağı dalğalandı, ərazi bütövlüyümüz bərpa olundu.
2023-cü il noyabrın 8-də, Xankəndi şəhərində Vətən müharibəsində əldə edilən Qələbənin üçüncü ildönümünə həsr olunmuş möhtəşəm hərbi paradın keçirilməsi Azərbaycanın tarixi zəfərinin simvolu oldu.
Prezident İlham Əliyev Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, 2023-cü il sentyabrın 20-də Azərbaycan Respublikasının bütün ərazisində qanunun aliliyinin təmin olunduğunu və Azərbaycan Respublikasının dövlət suverenliyinin bərpa edildiyini nəzərə alaraq, hər il sentyabrın iyirmisinin Azərbaycan Respublikasında Dövlət Suverenliyi Günü və Xankəndi, Xocalı, Xocavənd, Ağdərə şəhər günləri kimi qeyd edilməsini qərara alıb.
Azərbaycanın 44 günlük müharibədə qələbəsinin legitimliyinin dünyanın bütün geosiyasi qütbləri tərəfindən qəbul edilməsi, işğaldan azad etdiyimiz ərazilərimiz üzərində suveren hüquqlarımızın bərpasının beynəlxalq birlik tərəfindən tanınması, haqq işimizə əvvəlkindən daha çox dəstək verilməsi, Prezident İlham Əliyevin həm müharibə, həm də postmüharibə dövründə həyata keçirdiyi siyasətin nəticəsidir.
Aysel Mənsimova - poitoloq
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"