3 həftədir sirli qızılgüllər alan müğənni göndərəni axtarır

Türkiyənin məşhur müğənnisi Simge Sağın on günlər mahnıları və səhnə çıxışları ilə deyil, ona göndərilən sirli güllərlə gündəmə gəlib.

Sonxeber.az xarici mediaya istinadla xəbər verir ki, Müğənniyə artıq üç həftədir kimliyi məlum olmayan bir şəxs tərəfindən hər həftə 101 qızılgül göndərilir. Beləliklə, Sağın indiyədək ümumilikdə 303 qızılgül alıb.

Eyni sayda güllərin ardıcıl olaraq göndərilməsi müğənninin də diqqətini çəkib. Sürprizlərin davam etməsindən sonra Sağın gülləri göndərən şəxsin kimliyini öyrənmək üçün araşdırma aparmağa başlayıb.

Müğənni ona göndərilən güllərdən məmnun olduğunu, lakin xüsusilə 101 rəqəminin diqqətini çəkdiyini bildirib. Sağın "Güllər möhtəşəmdir, amma bu sirr və xüsusilə 101 qızılgül göndərilməsi maraqlıdır" deyərək təəccübünü ifadə edib.

Gülləri göndərən şəxsin kimliyi ilə bağlı isə hələlik heç bir məlumat ortaya çıxmayıb. Simge Sağının da maraq etdiyi sirli şəxsin kimliyi hələlik naməlum olaraq qalır.

Telegramda izləyin