27 Sentyabr - Zəfərə aparan yol

27 Sentyabr - Zəfərə aparan yol2020-ci ilin sentyabr ayının 27-si xalqımızın çoxəsrlik şanlı tarixinin ən parlaq səhifələrindən biridir. Tarixə qızıl hərflərlə yazılan bu müqəddəs gün milli ləyaqətin bərpası, ədalətin təntənəsi, xalqın birliyinin və iradəsinin Zəfəri idi. Həmin gün səhər saatlarında Ermənistan silahlı qüvvələrinin növbəti hərbi təxribatına və hücumuna cavab olaraq, Azərbaycan Ordusunun Ali Baş Komandanı İlham Əliyevin rəhbərliyi ilə Azərbaycan Ordusunun başladığı əks-hücum əməliyyatı 30 illik həsrətə, haqsızlığa, torpaq işğalına son qoydu.
1990-cı illərin əvvəllərində torpaqlarımızın 20 faizi işğal olunmuş, bir milyondan çox soydaşımız məcburi köçkün vəziyyətinə düşmüşdü. Lakin, Ümummilli Lider Heydər Əliyevin əsasını qoyduğu və sonralar Prezident İlham Əliyev tərəfindən böyük uzaqgörənliklə davam etdirilən strateji və praqmatik siyasət nəticəsində ölkəmiz iqtisadi cəhətdən gücləndi, beynəlxalq müstəvidə öz haqlı mövqeyini möhkəmlətdi. Ölkəmizin iqtisadiyyatı gücləndikcə Ordumuz da gücləndi. Azərbaycan Respublikasının Silahlı Qüvvələri dünyanın ən müasir texnologiyaları, silah sistemləri və kəşfiyyat vasitələri ilə təchiz edildi. Şəxsi heyətin peşəkarlığı artırıldı, hərbi qulluqçuların sosial müdafiəsi gücləndirildi.
Dövlətimiz həmişə sülh tərəfdarı olduğunu bəyan etsə də, işğal ilə barışmayacağını bu illər ərzində qətiyyətlə nümayiş etdirirdi. 2016-cı ilin Aprel döyüşləri və 2018-ci ilin Günnüt əməliyyatı və qazanılan inamlı Qələbə Azərbaycan əsgərinin döyüş qabiliyyətini, gücünü bir daha bütün dünyaya sübut etdi. 2020-ci il sentyabrın 27-də Ali Baş Komandanın "İrəli!" əmri ilə Azərbaycan əsgəri qarşı tərəfə cavab olaraq hücuma keçdi. Beləliklə, 44 günlük Zəfərə gedən müqəddəs yol açıldı. Azərbaycan xalqı Vətən müharibəsi vaxtı bütün dünyada devizə çevrilən və bu gün də öz qüvvəsini saxlayan "Dəmir Yumruq" ideologiyası ətrafında sıx birləşdi.
Ordumuzun qəhrəman əsgərlərinin çətin şəraitdə, dağlıq ərazilərdə, güclü istehkamlar qurmuş düşmənə qarşı misilsiz taktiki gedişlər nümayiş etdirməsi, müasir texnologiyaların tətbiqi ilə illərdir, beynimizə yeridilən "məğlubedilməzlik" mifini cəmi bir neçə günə darmadağın etməsi dünya hərb tarixi səhifəsinə yeni bir səhifə kimi yazıldı. Füzuli və Cəbrayıl istiqamətlərində müdafiə xəttlərinin yarılması, Hadrut qəsəbəsinin azad edilməsi ilə strateji üstünlüyün əldə olunması, Suqovuşan və Talış kəndlərinin azad olunması və hərb tarixinə qızıl hərflərlə yazılmış Şuşa əməliyyatı - qəhrəman Azərbaycan əsgərlərinin sıldırımlı qayaları, meşələri aşaraq, yalnız yüngül silahlarla şəhərə daxil olması və əlbəyaxa döyüşlərlə qədim mədəniyyət beşiyimizi azad etməsi düşməni kapitulyasiyaya məcbur etdi.
Şuşa zəfəri müharibənin taleyini həll etməklə yanaşı, həm də tarixi-mənəvi baxımdan müstəsna əhəmiyyət kəsb edirdi. Xalqımızın Ümummilli Lideri Heydər Əliyev sağlığında qətiyyətlə bildirirdi ki: "Şuşasız bizim işimiz yarımçıq olar". 2020-ci ilin noyabrında Azərbaycan Respublikasının Prezidenti, Müzəffər Ali Baş Komandan İlham Əliyev ata vəsiyyətini şərəflə, ləyaqətlə və qətiyyətlə yerinə yetirdi. 2020-ci il noyabrın 8-də dövlət başçısının xalqa müraciəti hər bir azərbaycanlının qəlbində əbədi həkk olunmuş unudulmaz və qürurverici anlardır. Şəhidlər xiyabanından xalqa müraciət edən Ali Baş Komandanın səsləndirdiyi o həyəcanlı və qürurlu cümlələri xalqımız sevinc göz yaşları ilə qarşıladı: "Bu tarixi bir gündə Azərbaycan xalqına bu müjdəni vermək mənim həyatımda bəlkə də ən xoşbəxt günlərimdən biridir. Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik! Şuşa bizimdir! Qarabağ bizimdir! Qarabağ Azərbaycandır!". Həmin gün vətəndaşlarımız küçələrə axışdı, üçrəngli bayraqlar dalğalandı, "Qarabağ Azərbaycandır!" şüarı bütün dillərdə səsləndi. Prezident İlham Əliyevin güclü siyasi iradəsi, tükənməz səbri, qətiyyətli və prinsipial mövqeyi, şəhidlərimizin canı-qanı, qəhrəmanlığı, qazilərimizin şücaəti hesabına xalqımız əbədi Zəfər qazandı. Vətən müharibəsində və sonrakı antiterror tədbirlərində canından keçən hər bir şəhidimiz, qazimiz bizim qürurumuzdur. Onlar gələcək nəsillərə miras qoyulan əbədi bir tarix yazdılar. Dövlətimiz hər zaman şəhid ailələrinin və qazilərin yanındadır, onların sosial müdafiəsi və rifahı dövlət siyasətinin əsas istiqamətlərindən birini təşkil edir.
27 Sentyabr - Zəfərə gedən yolun başlanğıcı olmaqla yanaşı, dərin hüzn, eyni zamanda böyük qürur günüdür. 2020-ci il dekabrın 2-də Prezident İlham Əliyevin imzaladığı Sərəncamla Azərbaycan xalqının azadlığı, suverenliyi və ərazi bütövlüyü uğrunda canından keçən qəhrəman şəhidlərimizin xatirəsini əbədiləşdirmək məqsədilə hər il sentyabrın 27-si ölkəmizdə Anım Günü kimi qeyd edilir.
Bu gün işğaldan azad edilmiş torpaqlarımızda - Qarabağda və Şərqi Zəngəzurda aparılan və hazırda davam etdirilən genişmiqyaslı bərpa və quruculuq tədbirləri - "Böyük Qayıdış Proqramı" uğurla icra olunur. "Ağıllı şəhər" və "Ağıllı kənd" konsepsiyaları əsasında yenidən qurulan Ağdam, Füzuli, Zəngilan, Laçın, Cəbrayıl və xüsusilə mədəniyyət paytaxtımız olan Şuşa şəhəri qısa müddətdə doğma sakinlərini qəbul etdi. Torpaqlarımızda hava limanları, avtomobil və dəmir yolları, enerji infrastrukturu inşa edildi. Qısa müddət ərzində aparılan, bütün dünyanın diqqətini çəkən bu tədbirlər hesabına bir vaxtlar məcburi köçkün olan vətəndalarımız bu gün özyurdlarında qurub yaradır, çalışır, ölkəmizin inkişafına töhfələrini verirlər.
27 sentyabr - bu müqəddəs tarix dövlətimizin gücünün, xalqımızın birliyinin və ölkə başçısının qətiyyətli siyasətinin təntənəsidir. Bu Şanlı tarix yaddaşlardan silinməyəcək və gələcək nəsillərə ötürüləcək ən qiymətli sərvətdir.

Həcər Verdiyeva - Tarix elmləri doktoru, professor


Sonxeber.az
Telegramda izləyin
Siyasət   Baxılıb: 505   Tarix: 24 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

İlham Əliyevlə xanımını belə qarşıladılar - Video - Fotolar

Azərbaycan Prezidenti İlham Əliyevin noyabrın 21-də Vyetnam Sosialist Respublikasının paytaxtı Hanoyda rəsmi qarşılanma mərasimi olub. "Qafqazinfo" xəbər verir ki, Vyetnamın və Azərbaycanın Dövlət bayraqlarının dalğalandığı meydanda Prezident İlham Əliyevin şərəfinə fəxri qarovul dəstəsi düzülmüşdü

21 noyabr
.

Yeni Azərbaycan Partiyası - 34 illik siyasi tarix, güclü dövlətçilik və milli inkişaf strategiyasının təcəssümü

Azərbaycanın müasir siyasi tarixində Yeni Azərbaycan Partiyasının yaradılması dövlətçilik salnaməmizin ən mühüm hadisələrindən biridir. 1992-ci il noyabrın 21-də təsis edilən partiya ölkənin müstəqilliyinin ciddi təhlükələrlə üzləşdiyi, siyasi böhranın dərinləşdiyi, idarəçilik sisteminin zəiflədiyi v

17 noyabr
.

Prezident İlham Əliyev: "Bu gün Azərbaycan Cənubi Qafqazda əsas logistika və energetika habıdır"

"Bu gün Vyetnam Cənub-Şərqi Asiyada dinamik inkişaf edən ölkədir, Azərbaycan isə Cənubi Qafqazda əsas logistika və energetika habıdır". AZƏRTAC-a istinadən xəbər verir ki, bu sözləri Prezident İlham Əliyev Vyetnam Xəbər Agentliyinə (VNA) müsahibəsində söyləyib. "Qüvvələrimizi birləşdirərə

19 noyabr
.

Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?

"Azərbaycan-Vyetnam əməkdaşlığı tarixində yeni səhifə açılır. Bunun zəruriliyi bir neçə amillə izah olunur. İlk növbədə, Azərbaycan-Vyetnam münasibətlərinin tarixi ənənələrə və möhkəm köklərə malik olduğunu qeyd etmək lazımdır. İkinci Dünya müharibəsindən sonra əsası qoyulan əlaqələr ötən 80 il

20 noyabr
.

Mariam Kvrivişvili İlham Əliyevin qəbulunda - Fotolar

Azərbaycan Prezidenti İlham Əliyev bu gün Gürcüstanın Baş nazirinin müavini, iqtisadiyyat və davamlı inkişaf naziri Mariam Kvrivişvilini qəbul edib. "Qafqazinfo" xəbər verir ki, söhbət zamanı bu ilin aprelində Azərbaycan Prezidentinin Gürcüstana dövlət səfəri, həmçinin Mariam Kvrivişvilini

17 noyabr
.

Prezidentlər Birgə Bəyanat qəbul etdilər - Fotolar

Noyabrın 21-də Hanoyda Azərbaycan Prezidenti İlham Əliyev və Vyetnam Prezidenti To Lam "Azərbaycan Respublikası Prezidentinin və Vyetnam Kommunist Partiyasının Mərkəzi Komitəsinin Baş katibi, Vyetnam Sosialist Respublikası Prezidentinin Birgə Bəyanatı"nı qəbul ediblər. "Qafqazinfo"

21 noyabr
.

Təbiətin möcüzəsi - Kəlbəcər azaddır

İkinci Qarabağ müharibəsi Azərbaycanın şanlı qələbəsi ilə başa çatmaqla çoxəsrlik tariximizin heç zaman unudulmayacaq səhifəsini yazdı. Dövlətimizin başçısı, Silahlı Qüvvələrin Ali Baş Komandanı İlham Əliyev noyabrın 25-də Kəlbəcərin işğaldan azad edilməsi münasibətilə xalqa müraciətində bir daha bildird

21 noyabr
.

Prezident və xanımının şərəfinə rəsmi nahar verilib

Noyabrın 21-də Hanoyda Vyetnam Sosialist Respublikasının Prezidenti To Lamın və xanımı No Fon Linin adından Azərbaycan Respublikasının Prezidenti İlham Əliyevin və birinci xanım Mehriban Əliyevanın şərəfinə rəsmi nahar verilib. AZƏRTAC-a istinadən xəbər verir ki, prezidentlər tədbirdə çıxış ediblər

21 noyabr
.

25 Noyabr - Kəlbəcər Şəhəri Gününü qalib və güclü ölkənin vətəndaşları kimi qeyd etmək qürurvericidir

2020-ci il noyabrın 25-i Azərbaycan tarixinə Kəlbəcərin erməni işğalından azad edildiyi gün kimi yazılıb. Prezident İlham Əliyevin 2023-cü il iyulun 31-də imzaladığı Sərəncama əsasən, bu şanlı tarix Kəlbəcər Şəhəri Günü kimi qeyd olunur. Kəlbəcər 1930-cu il avqustun 8-də inzibati rayon statusu alıb

21 noyabr