Azərbaycan investisiyalarının yeni mərhələsi

Azərbaycan investisiyalarının yeni mərhələsiÖlkəmizdə Prezident İlham Əliyevin rəhbərliyi ilə həyata keçirilən siyasət kursu Azərbaycanın beynəlxalq mövqelərinin möhkəmlənməsinə, daxili və xarici siyasətin milli maraqlara uyğun qurulmasına, iqtisadi müstəqilliyin tam təmin edilməsinə xidmət edir. Bu siyasətin nəticəsi olaraq Azərbaycan beynəlxalq aləmdə etibarlı tərəfdaş kimi tanınır, qlobal iqtisadi münasibətlərdə özünəməxsus yer tutur. Ölkəmiz dünyanın aparıcı investorlarından birinə çevrilməklə beynəlxalq investisiya məkanında fəal iştirak edir.
Şübhəsiz ki, Avropanın enerji təhlükəsizliyində mühüm pay sahibi olan Azərbaycanın əlverişli investisiya mühiti bu uğurların əsas dayaqlarındandır. Ölkəmizdə formalaşan iqtisadi sabitlik, şəffaflıq və etibarlı biznes mühiti xarici sərmayədarların marağını artırır. Artıq investorların Azərbaycana cəlb olunması üçün xüsusi səylərə ehtiyac qalmır. Ölkəmizin yaratdığı əlverişli imkanlar və formalaşdırdığı etibarlı iqtisadi mühit xarici investorların öz təşəbbüsləri ilə Azərbaycana üz tutmasına şərait yaradır. Bütün bunlar Azərbaycanın beynəlxalq iqtisadi nüfuzunu gücləndirir, ölkəmizi dünya iqtisadiyyatının diqqət mərkəzində saxlayır.
Prezident İlham Əliyevin himayəsi altında Bakıda keçirilən II Azərbaycan Beynəlxalq İnvestisiya Forumunun təşkil olunması ölkəmizin investisiya imkanlarının beynəlxalq müstəvidə təqdimatı baxımından mühüm hadisə oldu. Forum çərçivəsində "Parçalanmış dünyada etimadın bərpası: Cənubi Qafqaz qlobal bağlantı və investisiya sabitliyinin dayağı kimi" mövzusunda keçirilən tədbirdə Prezident İlham Əliyevin iştirakı və moderatorun suallarını cavablandırması Azərbaycanın iqtisadi potensialı və investisiya imkanları ilə bağlı mühüm mesajlarla yadda qaldı.
Prezident İlham Əliyevin forum çərçivəsində səsləndirdiyi fikirlər Azərbaycanın investisiya potensialının genişliyini aydın göstərdi. Ölkəmizin əlverişli biznes mühiti, siyasi və iqtisadi sabitliyi, güclü maliyyə imkanları, inkişaf etmiş nəqliyyat infrastrukturu və qonşu dövlətlərlə etibarlı əməkdaşlığı Azərbaycanı Şərq-Qərb və Şimal-Cənub nəqliyyat dəhlizlərinin mühüm qovşaqlarından birinə çevirir. Dəmir yollarına, avtomobil yollarına, hava limanlarına və dəniz limanlarına yatırılan sərmayələr tranzit və logistika imkanlarını genişləndirir, rəqəmsallaşma və müasir gömrük idarəçiliyi isə bu potensialı daha da gücləndirir. Dövlət başçısı ölkəmizin enerji imkanlarına da toxunaraq bildirdi ki, neft və qaz sektoru aparıcı mövqeyini qoruyur.
Eyni zamanda bərpaolunan enerji, elektrik enerjisinin ixracı, enerjiötürücü xətlərin inkişafı, enerjisaxlanc sistemlərinin qurulması və süni intellekt üçün data mərkəzlərinin yaradılması ölkəmizin yeni investisiya və inkişaf istiqamətlərini təşkil edir. Mədənçilik, kənd təsərrüfatı və ərzaq təhlükəsizliyi də geniş investisiya imkanlarına malik sahələr sırasındadır. Bununla yanaşı ölkə başçısı Azərbaycanın rəqəmsal transformasiya, kibertəhlükəsizlik, fiber-optik bağlantılar və insan kapitalının inkişafı sahəsində həyata keçirdiyi işlərin ölkənin gələcək iqtisadi potensialını daha da artırdığını bildiridi. Xaricdə təhsil proqramları və peşəkar kadr hazırlığına yönələn siyasət müasir iqtisadiyyat üçün zəruri olan bilik və bacarıqların formalaşmasına şərait yaradır. Bütün bu amillər Azərbaycanın uzunmüddətli investisiyalar üçün əlverişli, təhlükəsiz və proqnozlaşdırılan iqtisadi məkan kimi mövqeyini gücləndirir.
İnvestisiya gücü ilə yeni mərhələdə addımlayan ölkəmizin əldə etdiyi nəticələr, formalaşdırdığı sabitlik və qarşıya qoyduğu inkişaf hədəfləri dövlət başçısının rəhbərliyi ilə həyata keçirilən siyasətin ardıcıl nəticəsidir. Forum çərçivəsində moderator Adebayo Oqunlesinin dövlət başçımıza xitabən "Əgər azərbaycanlı olsaydım, Prezident İlham Əliyevə səs verərdim" deməsi isə ölkəmizin inkişaf yoluna kənardan verilən diqqətçəkən qiymətlərdən biri kimi yadda qaldı. Çünki Prezident İlham Əliyevin rəhbərliyi ilə Azərbaycan Cənubi Qafqazda qlobal bağlantının, investisiya sabitliyinin, sülh və əminamanlığın möhkəmlənməsinə yönəlmiş siyasət həyata keçirir. Ölkəmizin bu istiqamətdə qazandığı mövqe Azərbaycanın regional proseslərdə artan rolunu və beynəlxalq iqtisadi münasibətlərdə genişlənən imkanlarını aydın göstərir.

Vahid İsmayılov
Tarix üzrə fəlsəfə doktoru


Sonxeber.az
Telegramda izləyin
Siyasət   Baxılıb: 388   Tarix: 28 sentyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

İlham Əliyevlə xanımını belə qarşıladılar - Video - Fotolar

Azərbaycan Prezidenti İlham Əliyevin noyabrın 21-də Vyetnam Sosialist Respublikasının paytaxtı Hanoyda rəsmi qarşılanma mərasimi olub. "Qafqazinfo" xəbər verir ki, Vyetnamın və Azərbaycanın Dövlət bayraqlarının dalğalandığı meydanda Prezident İlham Əliyevin şərəfinə fəxri qarovul dəstəsi düzülmüşdü

21 noyabr
.

Yeni Azərbaycan Partiyası - 34 illik siyasi tarix, güclü dövlətçilik və milli inkişaf strategiyasının təcəssümü

Azərbaycanın müasir siyasi tarixində Yeni Azərbaycan Partiyasının yaradılması dövlətçilik salnaməmizin ən mühüm hadisələrindən biridir. 1992-ci il noyabrın 21-də təsis edilən partiya ölkənin müstəqilliyinin ciddi təhlükələrlə üzləşdiyi, siyasi böhranın dərinləşdiyi, idarəçilik sisteminin zəiflədiyi v

17 noyabr
.

Prezident İlham Əliyev: "Bu gün Azərbaycan Cənubi Qafqazda əsas logistika və energetika habıdır"

"Bu gün Vyetnam Cənub-Şərqi Asiyada dinamik inkişaf edən ölkədir, Azərbaycan isə Cənubi Qafqazda əsas logistika və energetika habıdır". AZƏRTAC-a istinadən xəbər verir ki, bu sözləri Prezident İlham Əliyev Vyetnam Xəbər Agentliyinə (VNA) müsahibəsində söyləyib. "Qüvvələrimizi birləşdirərə

19 noyabr
.

Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?

"Azərbaycan-Vyetnam əməkdaşlığı tarixində yeni səhifə açılır. Bunun zəruriliyi bir neçə amillə izah olunur. İlk növbədə, Azərbaycan-Vyetnam münasibətlərinin tarixi ənənələrə və möhkəm köklərə malik olduğunu qeyd etmək lazımdır. İkinci Dünya müharibəsindən sonra əsası qoyulan əlaqələr ötən 80 il

20 noyabr
.

Mariam Kvrivişvili İlham Əliyevin qəbulunda - Fotolar

Azərbaycan Prezidenti İlham Əliyev bu gün Gürcüstanın Baş nazirinin müavini, iqtisadiyyat və davamlı inkişaf naziri Mariam Kvrivişvilini qəbul edib. "Qafqazinfo" xəbər verir ki, söhbət zamanı bu ilin aprelində Azərbaycan Prezidentinin Gürcüstana dövlət səfəri, həmçinin Mariam Kvrivişvilini

17 noyabr
.

Prezidentlər Birgə Bəyanat qəbul etdilər - Fotolar

Noyabrın 21-də Hanoyda Azərbaycan Prezidenti İlham Əliyev və Vyetnam Prezidenti To Lam "Azərbaycan Respublikası Prezidentinin və Vyetnam Kommunist Partiyasının Mərkəzi Komitəsinin Baş katibi, Vyetnam Sosialist Respublikası Prezidentinin Birgə Bəyanatı"nı qəbul ediblər. "Qafqazinfo"

21 noyabr
.

Təbiətin möcüzəsi - Kəlbəcər azaddır

İkinci Qarabağ müharibəsi Azərbaycanın şanlı qələbəsi ilə başa çatmaqla çoxəsrlik tariximizin heç zaman unudulmayacaq səhifəsini yazdı. Dövlətimizin başçısı, Silahlı Qüvvələrin Ali Baş Komandanı İlham Əliyev noyabrın 25-də Kəlbəcərin işğaldan azad edilməsi münasibətilə xalqa müraciətində bir daha bildird

21 noyabr
.

Prezident və xanımının şərəfinə rəsmi nahar verilib

Noyabrın 21-də Hanoyda Vyetnam Sosialist Respublikasının Prezidenti To Lamın və xanımı No Fon Linin adından Azərbaycan Respublikasının Prezidenti İlham Əliyevin və birinci xanım Mehriban Əliyevanın şərəfinə rəsmi nahar verilib. AZƏRTAC-a istinadən xəbər verir ki, prezidentlər tədbirdə çıxış ediblər

21 noyabr
.

25 Noyabr - Kəlbəcər Şəhəri Gününü qalib və güclü ölkənin vətəndaşları kimi qeyd etmək qürurvericidir

2020-ci il noyabrın 25-i Azərbaycan tarixinə Kəlbəcərin erməni işğalından azad edildiyi gün kimi yazılıb. Prezident İlham Əliyevin 2023-cü il iyulun 31-də imzaladığı Sərəncama əsasən, bu şanlı tarix Kəlbəcər Şəhəri Günü kimi qeyd olunur. Kəlbəcər 1930-cu il avqustun 8-də inzibati rayon statusu alıb

21 noyabr