YAP - Azərbaycanın gələcək inkişafının təminatçısı olan partiya

YAP - Azərbaycanın gələcək inkişafının təminatçısı olan partiya"Güman edirəm ki, müstəqil Azərbaycan dövlətinin gələcək həyatının və fəaliyyətinin əsasını təşkil edən demokratiya və siyasi plüralizm şəraitində Sizin müraciətinizdə göstərilən Yeni Azərbaycan Partiyasının yaradılması obyektiv zərurətdən doğur. Belə partiya Azərbaycanın siyasi-ictimai həyatında fəal iştirak edərək yeni, müstəqil Azərbaycan dövlətinin möhkəmləndirilməsində və inkişafında tarixi rol oynaya bilər" - Bu fikirləri Ulu öndər Heydər Əliyev 1992-ci ildə məşhur "91-lər"in ona ünvanladıqları və yeni yaradılacaq siyasi partiyaya rəhbərlik etməsi xahişinə cavab olaraq bildirmişdi. Tam əminliklə demək olar ki, dünən VIII qurultayını keçirmiş həmin siyasi qurum - Yeni Azərbaycan Partiyası, Ümummilli liderin uzaqgörənliklə qeyd etdiyi kimi, Azərbaycan dövlətinin möhkəmləndirilməsində və inkişafında müstəsna və tarixi rol oynayıb. Hesab edirik ki, dünənki qurultayın ehtişamı bu rolu, ümumən, YAP-ın ölkəmizin həyatındakı yüksək statusunu bir daha vurğuladı".

Bu fikirləri Sonxeber.az-a açıqlamasında Dövlət İdarəçilik Akademiyasından Ağarəhim Baxışov bildirib.

"YAP müasir Azərbaycan dövləti ilə qoşa addımlamış siyasi qurumdur. Eyni zamanda, dövlətin ideya bazasını müəyyənləşdirən qurum. Elə bir baza ki, ərazi bütövlüyümüzün və suverenliyimizin, pozulmuş torpaq bütünlüyümüzün bərpasına yol açdı. 1992-ci ildə qarşıya qoyulmuş böyük hədəf də elə bu idi. Deməli, VIII qurultay həm də rəmzi məna daşıyır. Eynilə Prezident, YAP sədri İlham Əliyevin Ali Məclisdəki nitqində bildirdiyi kimi: "İlk dəfədir ki, qurultayımız Azərbaycan öz ərazi bütövlüyünü və suverenliyini tam bərpa edəndən sonra keçirilir".

YAP da Azərbaycan dövlətitək varislik prinsipini rəhbər tutmuş siyasi qurumdur. Ona Prezident İlham Əliyevin sədrliyi fikrimizin sübutudur. Dövlətimizin başçısı Heydər Əliyev şəxsiyyətinin müəyyənləşdirdiyi yolda YAP-ın ideoloji platforma formuluna nəhənglik gətirdi, qurumu hər bir azərbaycanlının arzu və istəklərindən, düşüncə və mükalimələrindən nəşət alan ümummilli partiyaya çevirdi. Bu gün isə arzuların çin olduğu, xəyalların gerçəkləşdiyi dövrdə yaşayırıq. YAP-ın bu yaşantıdakı rolu da böyükdür. YAP Prezident İlham Əliyevin rəhbərliyi ilə dövrün tələblərinə adekvat fəaliyyət kursu seçən siyasi qurumdur. Ümumən, dövlətimizin başçısının partiyaya əlahiddə yanaşma tərzi onun siyasi-təşkilati modelini mərhələli şəkildə yenilədi, ilk növbədə, təşkilatdakı idarəetmənin institusional əsaslarını möhkəmləndirdi. Bu mənada YAP-ın 2021-ci ildə düzənlənmiş VII qurultayının qərarları üzərində dayanmağa xüsusi ehtiyac var. Yada salaq ki, Prezident İlham Əliyev həmin qurultaydakı çıxışında demişdi: "Həyat dəyişir, zəmanə dəyişir".

Tam əminliklə deyə bilərik ki, nəinki ötən 5 ildə, ümumən, bütün fəaliyyəti dövründə YAP dəyişən həyatın və zamanın tələblərinə uyğun yolda inamla addımladı. Həm addımladı, həm də cəmiyyətdə özünə olan inamı və etimadı artırdı. Ötən müddətdə Prezident İlham Əliyevin "biz ən müasir təcrübəni Azərbaycanda bütün sahələrdə tətbiq etməliyik, o cümlədən siyasi islahatlar sahəsində" fikri əməli iş müstəvisində dəyərləndirildi. Nəticə etibarilə YAP klassik siyasi partiya təşkilatlanmasından çıxaraq, daha dəqiq funksional bölgü əsasında inkişaf etdi. Ən başlıcası isə gənclərlə iş yeni səviyyəyə çıxarıldı ki, bu, partiyanın Gənclər Birliyinin təsbit edilməsində əksini tapdı. Əlbəttə, məsələ yalnız yaş baxımından gəncləşmədə deyil. Söhbət peşəkarlıq, innovativlik, kreativlik kimi müasir dövrə xas meyarların partiyadaxili fəaliyyətdə əsas götürülməsindən gedir.

Prezident İlham Əliyev YAP-ın VIII qurultayındakı çıxışında Ali Məclisin Azərbaycanın ərazi bütövlüyünü və suverenliyini tam bərpa etməsindən sonra ilk dəfə düzənləndiyini bildirməklə yanaşı, VII qurultayın da yeni mühitdə təşkilinə diqqət çəkdi: "Çünki o şanlı Zəfərimizdən cəmi bir neçə ay keçmişdir və bütün dünya bizim Zəfərimizdən danışırdı. Azərbaycan özü təkbaşına həm işğala son qoymuşdur, eyni zamanda, bölgədə yeni reallıqlar yaratmışdır. O vaxtdan - İkinci Qarabağ müharibəsindəki Zəfərimizdən bu günə qədər bu reallıqlar bütün dünya tərəfindən qəbul edilir".

Bəli, İkinci Qarabağ müharibəsindən sonra Azərbaycanın qarşısında yeni mərhələ açıldı. Hakim partiya məhz həmin mərhələnin tələblərinə uyğun olaraq fəaliyyət göstərdi. 2021-ci ildə qəbul edilmiş yeni proqram sənədində qanunun aliliyi, varislik və təkamül, konstruktiv dialoq, sosial ədalət, multikulturalizm, innovativ inkişaf, insan kapitalı, şəffaflığın artırılması, vətəndaş cəmiyyəti, milli maraqlar, işğaldan azad edilmiş ərazilərə Böyük Qayıdış və sair bu kimi vacib məramların dayandığı YAP hazırda postmüharibə dövrünün reallıqlarına uyğun xəttini dərinləşdirməkdədir. Bu yanaşma onun qalib partiya obrazını vurğulayır, habelə, yeni dövrün siyasi təşkilatı kimi səciyyələndirməyə əsas verir. Yəni, qurumun əvvəlki müstəqillik, dövlətçilik, inkişaf və sabitlik amallarına müqəddəs Zəfərimizin doğurduğu postmüharibə quruculuğu, milli həmrəylik və yeni geosiyasi reallıqlar hədəfləri əlavə olunub.

Deməli, Ulu öndər Heydər Əliyev əbəs yerə deməmişdi ki, "Yeni Azərbaycan Partiyası dünənin, bu günün və gələcəyin partiyasıdır". Nəzərə alaq ki, dahi şəxsiyyətin zamanında dilə gətirdiyi bu fikir də YAP-ın davamlı siyasi xəttə hesablanmış struktur əsasında formalaşacağının, bir növ, anonsu idi. Ülu öndər əvvəldə barəsində söz açdığımız "91-lər"in müraciətinə cavabında da YAP-ı bu baxımdan xarakterizə etmiş, onu sırf hakimiyyət uğrunda mübarizə aparan təşkilat kimi deyil, müstəqil dövlətin möhkəmləndirilməsinə xidmət edən siyasi qüvvə olaraq dəyərləndirmiş və bildirmişdi: "Belə partiya Azərbaycanın siyasi-ictimai həyatında fəal iştirak edərək yeni, müstəqil Azərbaycan dövlətinin möhkəmləndirilməsində və inkişafında tarixi rol oynaya bilər".

Bu günün Yeni Azərbaycan Partiyası Azərbaycanın gələcəyinin nikbinlik fazası, ideoloji təminat paktıdır. Bu günün YAP-ı, eyni zamanda, gələcəkdən gözləntilərin partiyasıdır. O gözləntilər ki, Prezident İlham Əliyevin dünya miqyaslı liderliyi ilə realdır, proqmatik və rasionaldır. O gözləntilər ki, hər birinə müstəqil Azərbaycan üçün əbədiyyat duası hakim kəsilib".

Röyalə Xəyal


Sonxeber.az
Telegramda izləyin
Siyasət   Baxılıb: 730   Tarix: 03 oktyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

İlham Əliyev Ho Şi Minin məqbərəsinə baş çəkdi - Fotolar

Azərbaycan Prezidenti İlham Əliyev noyabrın 20-də Hanoyda Vyetnamın qurucusu Ho Şi Minin məqbərəsini ziyarət edib. "Qafqazinfo" xəbər verir ki, məqbərənin qarşısında fəxri qarovul dəstəsi düzülüb. Prezident İlham Əliyev Ho Şi Minin xatirəsinə ehtiramını bildirib, məqbərənin önünə əklil qoyu

20 noyabr
.

Azərbaycan Prezidentinin səfəri Vyetnam mediasının diqqət mərkəzindədir

Azərbaycan Prezidenti İlham Əliyevin Vyetnama noyabrın 19-da başlayan rəsmi səfərinə bu ölkənin mediası böyük diqqət ayırıb. AZƏRTAC xəbər verir ki, nüfuzlu qəzetlər, xəbər portalları, onlayn nəşrlər iki ölkə arasında dövlət başçıları diplomatiyasının əlaqələrin inkişafı üçün oynadığı böyük rola, Azərbaycan-Vyetna

20 noyabr
.

Kəlbəcərin işğaldan azad olunması tarixi hadisədir

2020-ci il noyabrın 10-da Azərbaycan, Rusiya prezidentlərinin və Ermənistan baş nazirinin imzaladıqları birgə Bəyanatla 30 ilə yaxın davam edən münaqişəyə son qoyuldu, düşmən sülhə məcbur edildi. Bəyanata uyğun olaraq Ağdam, Kəlbəcər və Laçın rayonları siyasi yolla Azərbaycana qaytarıldı. Kəlbəcər Azərbaycanı

21 noyabr
.

Arzu və Leyla Əliyevalar Vyetnamda - Foto

Bakı Media Mərkəzinin rəhbəri Arzu Əliyeva sosial şəbəkə hesabında yeni paylaşım edib. "Qafqazinfo" xəbər verir ki, o, bacısı, Heydər Əliyev Fondunun vitse-prezidenti Leyla Əliyeva ilə Vyetnamın Hanoy şəhərində çəkdirdikləri fotonu paylaşıb. Həmin fotonu təqdim edirik:

20 noyabr
.

Mariam Kvrivişvili İlham Əliyevin qəbulunda - Fotolar

Azərbaycan Prezidenti İlham Əliyev bu gün Gürcüstanın Baş nazirinin müavini, iqtisadiyyat və davamlı inkişaf naziri Mariam Kvrivişvilini qəbul edib. "Qafqazinfo" xəbər verir ki, söhbət zamanı bu ilin aprelində Azərbaycan Prezidentinin Gürcüstana dövlət səfəri, həmçinin Mariam Kvrivişvilini

17 noyabr
.

Prezident həmkarı ilə geniş tərkibdə görüşdü - Fotolar - Yenilənib

Noyabrın 21-də Hanoyda Azərbaycan Prezidenti İlham Əliyevin Vyetnam Sosialist Respublikasının Prezidenti To Lam ilə geniş tərkibdə görüşü olub. "Qafqazinfo" xəbər verir ki, bu barədə Azərbaycan Prezidentinin Mətbuat xidməti məlumat yayıb. *. Görüşdə çıxış edən Vyetnam Prezidenti To Lam deyib:

21 noyabr
.

25 Noyabr - Kəlbəcər Şəhəri Gününü qalib və güclü ölkənin vətəndaşları kimi qeyd etmək qürurvericidir

2020-ci il noyabrın 25-i Azərbaycan tarixinə Kəlbəcərin erməni işğalından azad edildiyi gün kimi yazılıb. Prezident İlham Əliyevin 2023-cü il iyulun 31-də imzaladığı Sərəncama əsasən, bu şanlı tarix Kəlbəcər Şəhəri Günü kimi qeyd olunur. Kəlbəcər 1930-cu il avqustun 8-də inzibati rayon statusu alıb

21 noyabr
.

Prezident İlham Əliyev: "Vyetnam biznesinin Azərbaycan iqtisadiyyatında iştirakı münasibətlərin mühüm tərkib hissəsidir"

"Vyetnam biznesinin Azərbaycan iqtisadiyyatında iştirakı da ikitərəfli münasibətlərin mühüm tərkib hissəsidir". AZƏRTAC-a istinadən xəbər verir ki, bu fikir Prezident İlham Əliyev Vyetnam Xəbər Agentliyinə (VNA) müsahibəsində səsləndirib. "Tikinti və infrastrukturun inkişafı, həmçini

19 noyabr
.

Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?

"Azərbaycan-Vyetnam əməkdaşlığı tarixində yeni səhifə açılır. Bunun zəruriliyi bir neçə amillə izah olunur. İlk növbədə, Azərbaycan-Vyetnam münasibətlərinin tarixi ənənələrə və möhkəm köklərə malik olduğunu qeyd etmək lazımdır. İkinci Dünya müharibəsindən sonra əsası qoyulan əlaqələr ötən 80 il

20 noyabr