Bundan sonrakı illərdə də Böyük Qayıdış daha da sürətlə gedəcək
"Prezident İlham Əliyev Yeni Azərbaycan Partiyasının (YAP) VIII Qurultayında çıxışı zamanı bundan sonrakı illərdə Böyük Qayıdışın daha da sürətlə gedəcəyinə əminliyini ifadə edib. Dövlətimizin başçısı, eyni zamanda, Qarabağ və Şərqi Zəngəzurda hazırda 96 min insanın yaşadığını, onlar üçün ən yüksək səviyyədə sosial şərait yaradıldığını bildirib".
Bu fikirləri Sonxeber.az-a açıqlamasında Dövlət İdarəçilik Akademiyasından İlqar Əliyev bildirib.
"Bu bölgələrin inkişafına indiyədək 28 milyard manat vəsaitin xərcləndiyini vurğulayan dövlətimizin başçısı həmin məbləğin böyük bir qisminin infrastruktur layihələrinə istiqamətləndirildiyini, onların çox hissəsinin icrasının başa çatdırıldığını və eyni zamanda, hazırda 48 yaşayış məntəqəsində keçmiş məcburi köçkünlərin artıq məskunlaşdığını diqqətə çatdırıb. İşğaldan azad edilmiş ərazilərdə indiyədək həyata keçirilən genişmiqyaslı bərpa və quruculuq işləri müasir şəhərsalma prinsiplərinə uyğun olaraq reallaşdırılıb. Bölgədə beynəlxalq hava limanlarının istifadəyə verilməsi, müasir avtomobil və dəmir yollarının salınması, tünel və körpülərin tikilməsi regionun nəqliyyat-loqistika potensialını əhəmiyyətli dərəcədə gücləndirib. Bu infrastruktur şəbəkəsi yerli əhalinin rahatlığını təmin etməklə bərabər, eyni zamanda, bölgənin ölkə iqtisadiyyatına tam inteqrasiyasına əlverişli şərait yaradıb.
Qarabağ və Şərqi Zəngəzurun "yaşıl" enerji zonası elan olunması da bu prosesin mühüm tərkib hissəsidir. İstismara verilən su elektrik stansiyaları, günəş və külək enerjisi layihələri regionun dayanıqlı inkişafına böyük töhfə verir. Eyni zamanda, "Ağıllı" kənd və "ağıllı" şəhər konsepsiyaları əsasında tikilən yasayış məntəqələri sakinlər üçün yüksək standartlara cavab verən həyat şəraiti bəxş edir. "Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı"nın icrası təkcə mənzil təminatı ilə məhdudlaşmır, həm də dayanıqlı məşğulluğun yaradılmasını şərtləndirir. Regionda fəaliyyətə başlayan sənaye parkları, aqroparklar və kiçik sahibkarlıq subyektləri minlərlə yeni iş yerinin açılmasına imkan verir. Doğma yurd-yuvalarına qayıdan sakinlərin işlə təmin olunması, təhsil və səhiyyə müəssisələrinin müasir tələblər səviyyəsində qurulması sosial rifahın yüksəldilməsini şərtləndirən əsas amillərdəndir.
Bütün bu addımlar bir daha sübut edir ki, Azərbaycan dövləti azad edilmiş torpaqların dirçəldilməsini milli prioritet kimi ön plana çəkir və doğma yurdlarına dönən vətəndaşların təhlükəsiz, firavan yaşaması üçün bütün resurslarını səfərbər edir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"