ABŞ-İran müharibəsində son vəziyyət: Hörmüzlə bağlı gərginlik davam edir

ABŞ-İran müharibəsində əsas diqqət hazırda Hörmüz boğazına yönəlib. İran tərəfi boğazın tam açılması üçün müəyyən şərtlərin yerinə yetirilməsini tələb edir. Tehran ABŞ-a mövqeyini vasitəçilər üzərindən çatdırsa da, İran rəsmiləri əlavə məsələlərin hələ Vaşinqtona bildirilməli olduğunu açıqlayıblar. Müharibənin qlobal enerji bazarına təsiri də davam edir.

Sonxeber.az Reuters-ə istinadən xəbər verir ki, sentyabr ayında İran istisna olmaqla Körfəz ölkələrinin neft ixracı müharibədən əvvəlki səviyyənin 81 faizinə qədər bərpa olunub. Buna baxmayaraq, Hörmüz boğazında təhlükəsizlik riskləri qalır. ABŞ-da isə müharibənin yanacaq qiymətlərinə təsiri gündəmdədir. ABŞ Prezidenti Donald Tramp benzinin bahalaşmasında İran müharibəsi ilə yanaşı, Rusiyanın neft infrastrukturuna zərbələri və ABŞ-dakı bəzi neft emalı zavodlarının fəaliyyətindəki problemləri də səbəb kimi göstərib. Bununla yanaşı, neft qiymətlərində müəyyən geriləmə müşahidə olunur. Reuters-in bu gün yaydığı məlumata görə, Brent markalı neftin qiyməti 1,7 faiz azalaraq 98,62 dollar olub. G7 ölkələri də enerji bazarındakı təzyiqi azaltmaq üçün təcili ehtiyatlardan 100 milyon barrel neft buraxmaq barədə razılığa gəlib.

Digər tərəfdən, İranın Hörmüz boğazı üzərindəki nəzarəti və bölgədə tanker daşımalarına yaranan təhlükə hələ də əsas risk olaraq qalır. Boğaz dünya neft və LNG daşımalarının təxminən beşdə birinin keçdiyi strateji marşrutdur.

Müəllif: İlkin Məmmədkərimov

Telegramda izləyin