7 oktyabrın üçüncü ildönümü: İsrailin ağrısı bizim də ağrımızdır
7 oktyabr 2023-cü il İsrail tarixinin ən ağır günlərindən biri kimi yadda qaldı. HƏMAS terror təşkilatının İsrailə qarşı həyata keçirdiyi qanlı hücum nəticəsində yüzlərlə insan həyatını itirdi, yüzlərlə insan girov götürüldü. Bu tarixdən üç il keçsə də, həmin günün ağrısı İsrail xalqının yaddaşından silinməyib. 7 oktyabr təkcə İsrail üçün deyil, terrorun nə qədər böyük faciələrə səbəb ola biləcəyini göstərən tarix kimi yadda qalmalıdır.
Bu gün İsrail HƏMAS terror təşkilatı ilə yanaşı, Hizbullah terror təşkilatı, Yəməndə fəaliyyət göstərən husilər və regiondakı digər silahlı təhdidlərlə qarşı-qarşıyadır. İsrail dövləti öz xalqının təhlükəsizliyini təmin etmək və terror təhlükəsinin qarşısını almaq üçün mübarizə aparır.
Azərbaycan isə bu mübarizənin nə demək olduğunu çox yaxşı anlayan ölkələrdəndir. Çünki Azərbaycan da illərlə işğal, terror və müharibə ilə üz-üzə qalıb. Azərbaycan xalqı torpaqlarından didərgin düşüb, şəhidlər verib, uzun illər öz torpaqlarına qayıdacağı günü gözləyib.
Nəhayət, 44 günlük Vətən müharibəsində Azərbaycan öz ərazi bütövlüyünü bərpa etdi və Zəfər qazandı. Bu gün Azərbaycan xalqının İsrail xalqının yaşadığı ağrını anlamasının səbəblərindən biri də məhz budur. Müharibənin nə olduğunu, terror təhlükəsinin nə olduğunu, doğmalarını itirməyin nə demək olduğunu biz də bilirik.
Azərbaycan hər zaman qardaş İsrail dövlətinin yanındadır.
Azərbaycan-İsrail münasibətləri mənim üçün sadəcə iki dövlət arasındakı diplomatik əlaqələrdən ibarət deyil. Bu münasibətlər qarşılıqlı hörmətə, dostluğa və strateji tərəfdaşlığa söykənir.
İsrailin ağrısı bizim də ağrımızdır.
İsrailin sevinci bizim də sevincimizdir.
Bu gün İsrail xalqının qarşısında böyük və çətin mübarizə dayanır. Mən inanıram ki, İsrail dövləti öz təhlükəsizliyini təmin etmək, vətəndaşlarını qorumaq və terror təhlükəsini aradan qaldırmaq istiqamətində mübarizəsini davam etdirəcək.
Necə ki Azərbaycan 44 günlük Vətən müharibəsində Zəfər qazandı, inşallah, İsrail dövləti də öz təhlükəsizliyinin və gələcəyinin təmin olunması istiqamətində qələbə qazanacaq.
Azərbaycan-İsrail qardaşlığı isə bu gün regionda çoxlarını narahat edir. Bu dostluğun möhkəmliyi, iki ölkənin bir-birinə olan etimadı və strateji əməkdaşlığı bəzi dairələrin yuxusunu qaçıra bilər.
Amma dostluqlar başqalarının istəyinə görə qurulmur.
Azərbaycan öz dostunu özü seçir.
Biz İsrail dövlətini dost və strateji tərəfdaş olaraq görürük və bu münasibətlərə dəyər veririk.
Arzum budur ki, İsrail xalqı ən qısa zamanda terror təhlükəsindən tamamilə uzaq olsun, ailələr öz doğmalarına qovuşsun, uşaqlar qorxu içində deyil, sülh şəraitində böyüsün. Və bir gün Yaxın Şərqdə silah səsləri deyil, sülhün səsi eşidilsin.
Azərbaycan və İsrail bayraqları isə dostluğun və qardaşlığın rəmzi olaraq daim zirvədə dalğalansın.
İsrail xalqına güc, səbir və əmin-amanlıq arzulayıram.
7 oktyabr terrorunun qurbanlarının xatirəsi daim yaşasın.
Yaşasın Azərbaycan-İsrail dostluğu və qardaşlığı!
Müəllif: İlkin Məmmədkərimov
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Qətlə yetirilən Gülarənin atası danışdı - "Ayxan 2 ay idi gecələr yatmırdı"
Kiberdələduzluqda bir başqa yol...
Vətəndaşlara aşağı faizli kredit imkanı: Hansı şərtlər tələb olunur?
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
9-cu sinif şagirdinin meyiti tapıldı
Özünüməşğulluq avadanlığını satan vətəndaşları hansı məsuliyyət gözləyir? - VƏKİLDƏN AÇIQLAMA
Rusiya Ukraynaya hücumlarını gücləndirdi - Xarici səfirliklər də zərər gördü
Avropa ölkələri Ukraynada mümkün sülhməramlı missiyaya hazırlaşır