Azərbaycan-Türkmənistan münasibətləri dinamik şəkildə inkişaf edir
"Prezident İlham Əliyevin Türkmənistanın Türkmənbaşı şəhərində keçirilən Azərbaycan və Mərkəzi Asiya Dövlət Başçılarının 8-ci Məşvərət görüşündə iştirakı Azərbaycanın Mərkəzi Asiya ölkələri ilə əlaqələrinin yeni mərhələyə keçdiyini göstərir. Azərbaycanın bu əməkdaşlıq formatında tamhüquqlu üzv kimi iştirakı ölkəmizin regiondakı mövqeyini və qarşılıqlı əlaqələrin əhəmiyyətini daha da artırır".
Bu fikirləri Sonxeber.az-a açıqlamasında YAP üzvü Aynur Xəlilova bildirib.
"Görüşdə Azərbaycan ilə Mərkəzi Asiya dövlətləri arasında siyasi, iqtisadi, investisiya, nəqliyyat və energetika sahələrində əməkdaşlığın genişləndirilməsi məsələləri ön plana çəkilib. Xüsusilə qarşılıqlı investisiyaların artırılması, birgə layihələrin həyata keçirilməsi və yeni istehsal imkanlarının yaradılması gələcək əməkdaşlığın əsas istiqamətləri kimi qeyd olunub. Azərbaycanın region ölkələri ilə nəqliyyat əlaqələrinin inkişafında da mühüm imkanları var. Xəzər dənizi, Bakı limanı, dəmir və avtomobil yolları Mərkəzi Asiyanın beynəlxalq bazarlara çıxışında mühüm rol oynayır. Orta Dəhlizin inkişafı və daşımaların artması bu istiqamətdə əməkdaşlığın perspektivlərini daha da genişləndirir.
Energetika sahəsində də əlaqələr genişlənir. Mərkəzi Asiyanın enerji resurslarının Azərbaycan üzərindən dünya bazarlarına çatdırılması, eləcə də bərpaolunan enerji və yaşıl enerji dəhlizlərinin yaradılması istiqamətində birgə fəaliyyət xüsusi əhəmiyyət daşıyır. Azərbaycanın azad edilmiş ərazilərinin bərpasında Mərkəzi Asiya ölkələrinin göstərdiyi qardaşlıq dəstəyi də görüşdə diqqət çəkən məqamlardandır. Füzuli və Ağdamda Özbəkistan, Qazaxıstan və Qırğızıstan tərəfindən həyata keçirilən layihələr ölkələr arasında dostluq və həmrəyliyin praktik nümunəsi kimi qiymətləndirilə bilər. Ümumilikdə, görüş Azərbaycan ilə Mərkəzi Asiya ölkələri arasında əməkdaşlığın yalnız iqtisadi deyil, həm də siyasi və strateji baxımdan əhəmiyyətli olduğunu nümayiş etdirir. Sülh, təhlükəsizlik və sabitliyin qorunması isə regionun gələcək inkişafı və qarşılıqlı əməkdaşlığın daha da möhkəmlənməsi üçün əsas şərtlərdən biri kimi çıxış edir".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakı məşhur xəstəxana bağlanır - Xəstələr köçürülüb
Pensiyalar bu tarixdə ödəniləcək
Hindistanda deputat qızının toyuna 400 min nəfər dəvət etməyə hazırlaşır
Aygün Kazımovadan Namiqə ad günü təbriki - Foto
Yerə zibil atanlar 10 min manatadək cərimə olunacaq
Britaniyalı pilot səmada UNO-larla qarşılaşmasından danışdı
Prezidentdən Draqan Vladisavljeviç ilə bağlı Sərəncam
Mehriban Əliyeva Hacıqabul rayonundan paylaşım etdi
Qızıl və gümüş bahalaşıb
Abşeronda qadın 20 manat verib sonra onu döyən sevgilisini bağışladı
Bakıda hündür ağac bahalı avtomobilin üzərinə aşdı (FOTO)
Güclü küləkdə bayrağı xilas etməyə çalışan o imiş... - Video
Azərbaycan Esvatiniyə təxminən 100 milyon dollar investisiya yatırmağı planlaşdırır
Prezident İlham Əliyevin Zəfər Günü müraciəti: Tarixi Qələbənin siyasi, hərbi və mənəvi təntənəsi