20 noyabr 2020-ci il Zəfərimizin Şanlı Qələbəsi

44 gün ərzində döyüş meydanında Qələbəyə doğru inamla irəliləyən qorxmaz, cəsur əsgərlərimiz düşmənin işğal olunmuş torpaqlarımızdakı hərbi hissələrini, istehkamlarını, ön xətt mövqelərini, döyüş texnikalarını və infrastrukturunu, canlı qüvvəsini, cəbhənin dərinliyindəki atəş nöqtələrini, bazalarını darmadağın etdi, kəndlərimizi, strateji yüksəklikləri sürətlə tutdu.
Nəhayət, haqq-ədalət öz yerini tapdı. Müharibə qanunları və beynəlxalq humanitar qaydalar çərçivəsində erməni işğalçılarına qarşı Zəfər yürüşünə başlayan Müzəffər Ordumuz Ali Baş Komandanın rəhbərliyi ilə ədalət məhkəməsini özüqurdu. 2020-ci il sentyabrın 27 Azərbaycan Ermənistan Silahlı Qüvvələrinin növbəti hücumuna məruz qalmışdır, 44 günlük müharibədə işğalçı Ermənistanın ordusu bütünlüklə məhv edildi, düşmən diz çökdü və 4 oktyabrda Cəbrayıl, 17 oktyabrda Füzuli, 20 oktyabrda Zəngilan, 25 oktyabrda Qubadlı, 8 noyabrda Şuşa şəhəri və Azərbaycan, Rusiya prezidentlərinin və Ermənistanın baş nazirinin imzaladıqları sənədə əsasən düşmən dövlət üzərinə bir sıra öhdəliklər götürdü və dekabrın 1-dək Ağdam, Kəlbəcər, Laçın rayonlarını döyüşsüz respublikamıza təslim etdi.
Digər işğal altında olan ərazilərimiz kimi doğma Ağdam şəhəri 20 noyabr 2020-ci il tarixində düşmən taptağından azad edildi. Ağdamın 30 illik vətən, torpaq həsrətinə son qoyuldu.
Həmin gündən 3 gün sonra - noyabrın 23-də Ağdama gələn Azərbaycan Respublikasının Prezidenti, Müzəffər Ali Baş Komandan İlham Əliyev Ağdamın xarabalıqları, erməni vandallarının ağlasığmaz vəhşilikləri ilə tanış olduqdan sonra öz təkrarsız çıxışı ilə Ağdamda xalqımıza müraciət etmişdir: "Bu gün tarixi bir gündür. Biz şanlı Qələbəmizi qeyd edirik. Dağılmış Ağdam şəhəri erməni vəhşiliyinin şahididir. Biz Ağdam şəhərini bərpa edəcəyik, bütün kəndləri bərpa edəcəyik. Heç kim də bu haqda şübhə olmasın. Bu, böyük iş olacaqdır. Əlbəttə ki, bu böyük zəhmət tələb edəcək. Amma necə ki, biz 44 gün ərzində birlik göstərmişik, əminəm ki, azad edilmiş torpaqlarımızın bərpası işində də birlik, əzmkarlıq göstərəcəyik. Bütün şəhərlərimizi bərpa edəcəyik, daha da gözəl şəhərlər olacaqdır. Şəhərlərimizdə qalan tarixi abidələri bərpa edəcəyik və bir daha gücümüzü göstərəcəyik".
Ağdam bir zamanlar Qarabağın ən məşhur şəhəri, musiqiçiləri, xanəndələri, el sənətkarları, ağayana insanları, ticarət və iaşə obyektləri, bazarı, özünəməxsus adət və ənənələri olan bu məşhur şəhər düşmənlərimiz tərəfindən vəhşicəsinə dağıdılmışıdır vəerməni vandallarının törətdiyi vəhşiliklər adamı heyrətə gətirirdi.
Ağdam yenidən qurulur. Şəhər böyük bir tikinti meydanına çevrilib. Ağdam şəhərində artıq "Ağdam Cümə Məscidi", "Ağdam Sənaye Parkı", Konqres Mərkəzi, "Agdam Sity Hotel", "Pənahəli xanın sarayı və İmarət kompleksi" tikilərək istifadəyə verilib. "Zəfər Muzeyin"ində, "İmarət" stadionunda, Dəmir yol vağzalında və Avtovağzalda, "Park Forest Hotel Agdam" otelində, Ağdam şəhər Mərkəzi Parkında, Muğam Mərkəzində, Atçılıq Nəsilartırma Mərkəzində tikinti işləri surətlə davam etdirilir.
Müzəffər Ali Baş Komandan, Prezident İlham Əliyev: "Dağılmış Ağdam şəhəri erməni vəhşiliyinin şahididir. Biz Ağdam şəhərini bərpa edəcəyik, bütün kəndləri bərpa edəcəyik. Heç kimdə bu haqda şübhə olmasın."
Hazırda azad olunmuş ərazilərdə bərpa və yenidənqurma işləri həyata keçirilir, azərbaycanlı məcburi köçkünün öz evlərinə təhlükəsiz və ləyaqətli dönüşünü, bu torpaqların reinteqrasiyasını təmin etmək üçün ardıcıl addımlar atan dövlətimiz 10 noyabr 2020-ci il tarixli üçtərəfli bəyanata uyğun olaraq, bölgədə dayanıqlı sülh, təhlükəsizlik və rifahın təmin olunması istiqamətində tədbirlər görür.

Cavid Fərhadov - ehtiyatda olan polkovnik-leytenant,
Vətən müharibəsi qazisi

Telegramda izləyin