Banka pul qoyanları nə gözləyir? - 200 manatdan artıq faiz gəlirinə VERGİ

Banka pul qoyanları nə gözləyir? - 200 manatdan artıq faiz gəlirinə VERGİ2027-ci ildən bank əmanətlərinin faiz gəlirlərinə tətbiq olunan vergi güzəştinin müddəti uzadılmasa, aylıq 200 manatdan artıq faiz gəlirlərinin 10 faiz vergiyə cəlb edilməsi nəzərdə tutulan qaydada yenidən gündəmə gələ bilər. Bu dəyişiklik əmanətçilərin əldə etdiyi xalis gəlirə təsir etməklə yanaşı, bank sektorunda depozitlərə maraq və kredit siyasəti ilə bağlı suallar yaradır.

Bəs, vergi güzəştinin ləğvi vətəndaşların banklarda əmanət yerləşdirmək marağına və bankların depozit siyasətinə necə təsir göstərə bilər? Bu, əmanətlərin banklardan çıxarılmasına və gələcəkdə kredit faizlərinin dəyişməsinə səbəb ola bilərmi?
Banka pul qoyanları nə gözləyir? - 200 manatdan artıq faiz gəlirinə VERGİMövzu ilə bağlı Sonxeber.az-a açıqlama verən bank eksperti Emin Kərimov bildirib ki, əmanətlər sığortalandığı üçün hazırda pulun qorunması və müəyyən investisiya məqsədləri baxımından ən əlverişli maliyyə alətlərindən biri hesab olunur. İnsan banka depozit yerləşdirməklə bir il, 18 ay və ya iki il sonra vəsaitini inflyasiyanın təsirindən müəyyən qədər qoruya, başqa sözlə, pulunun dəyərini saxlaya bilər.

"Lakin vergi öhdəlikləri və vergi yükü depozit yerləşdirərkən müəyyən suallar yarada bilər. İnsanlar daha sərfəli variantlara üstünlük vermək üçün əldə edəcəkləri gəlirdən ödəniləcək vergini də nəzərə alaraq hansı bankda depozit yerləşdirəcəklərinə qərar verə bilərlər. Bu baxımdan banklar arasında rəqabətin olması mühüm rol oynayır. Depozitlərə marağın azalacağını görən banklar müştəriləri cəlb etmək üçün müxtəlif güzəşt və satış siyasətlərindən istifadə edə bilərlər. Məsələn, verginin müştəri əvəzinə bank tərəfindən ödənilməsi və ya müəyyən hissəsinin kompensasiya olunması kimi mexanizmlər tətbiq edilə bilər. Beləliklə, müştəri vergi yükünü birbaşa hiss etməz.

Kredit faizlərinə gəldikdə isə nəzərə almaq lazımdır ki, kreditlərin verilməsi üçün istifadə olunan vəsaitlərin formalaşma mənbələrindən biri də depozitlərdir. Banklar əhalidən, fiziki və hüquqi şəxslərdən, həmçinin publik hüquqi şəxslərdən depozit cəlb edirlər. Əgər depozitlərin dəyəri artarsa, bu, bankların vəsait cəlbetmə xərclərinin yüksəlməsinə və nəticədə kredit faizlərinin də müəyyən dərəcədə artmasına səbəb ola bilər.

Bununla belə, banklar həm kredit portfelini, həm də depozit cəlbini qorumaq, müştəri məmnuniyyətini təmin etmək üçün müxtəlif yumşaldıcı mexanizmlərdən istifadə edə bilərlər. Məsələn, verginin müştəri tərəfindən deyil, bank tərəfindən ödənilməsini təklif edə, yaxud müştərinin maraqlarına uyğun depozit məhsulları hazırlaya bilərlər. Verginin bir hissəsinin müştəri, digər hissəsinin isə bank tərəfindən ödənilməsi və ya bütün vergi yükünün bankın üzərinə götürülməsi mümkündür. Bir neçə il əvvəl bankların depozit cəlbi zamanı belə təkliflərindən istifadə olunurdu. Müştəri depozit yerləşdirir, müddətin sonunda faiz gəlirindən tutulmalı olan vergini isə bank ödəyirdi. Düşünürəm ki, banklar bu mexanizmin daha təkmil formalarından istifadə etməklə depozit cəlbini stimullaşdıra, ən azı hazırkı marağı qoruyub saxlaya və bununla da kreditlərin bahalaşmasının qarşısını almağa çalışa bilərlər.

Depozitdən əldə edilən gəlirə təsir məsələsinə gəldikdə isə, qeyd etdiyimiz güzəşt mexanizmləri tətbiq olunmasa, vergi yükü əmanətçilərin qazancına təsir göstərəcək və depozitlərə marağı müəyyən qədər azalda bilər. Belə olan halda insanlar sərbəst vəsaitlərini depozitə yerləşdirmək əvəzinə daşınar və daşınmaz əmlak, qızıl və qeyri-yaşayış sahələrinin alınmasına yönəldə bilərlər.

Ancaq depozit daha rahat və əlçatan investisiya alətidir. İnsan banka yaxınlaşaraq və ya mobil tətbiq vasitəsilə depozit yerləşdirə bilər və həmin vaxtdan etibarən vəsaitinə faiz hesablanır. Eyni zamanda, əmanətlər müəyyən şərtlər daxilində dövlət tərəfindən sığortalanır və bu da vəsaitin qorunmasına əlavə təminat yaradır. Depozitin digər üstünlüyü onun nisbətən rahat şəkildə nağdlaşdırılması imkanının olmasıdır. Bu səbəbdən depozitlər daha əlçatan və rahat maliyyə aləti kimi daim maraq doğurur.

Düşünürəm ki, banklar, xüsusilə verginin ödənilməsi ilə bağlı müəyyən güzəştlər tətbiq etsələr, depozitlərə marağı əvvəlki səviyyədə qoruyub saxlamaq mümkün olacaq".

Röyalə Xəyal


Sonxeber.az
Telegramda izləyin
İqtisadiyyat   Baxılıb: 611   Tarix: 19 noyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycandakı kredit ittifaqlarının zərəri artıb

Azərbaycandakı kredit ittifaqları bu ilin I yarısını 0,5 milyon manat zərərlə başa vurub. Azərbaycan Mərkəzi Bankına istinadən xəbər verir ki, bu, ötən ilin eyni dövrünə 66,7% çoxdur. Yanvar-iyun aylarında kredit ittifaqlarının gəlirləri 1,1 milyon manat (illik müqayisədə 15,4% az), xərcləri 0,5 milyo

24 iyul 2021
.

Dollar almaq istəyənlərin NƏZƏRİNƏ

Azərbaycan Mərkəzi Bankı bu günə olan valyuta məzənnələrini açıqlayıb. AMB-ə istinadən xəbər verir ki, ABŞ dollarının rəsmi məzənnəsi dəyişməyərək 1.700 manat təşkil edir. Manata nəzərən avronun məzənnəsi 2.0681, 1 türk lirəsi 0.2042 manat, 1 rus rublu 0.0231 manatdır

18 may 2021
.

Maliyyə Nazirliyi 60 milyon manat da BORC ALDI

18 may 2021-ci il tarixində Bakı Fond Birjasında Azərbaycan Respublikası Maliyyə Nazirliyinin AZ0105016882 ISIN-li, 40 milyon manat həcmində, 728 gün tədavül müddətli dövlət ortamüddətli istiqrazlarının (DOİ) yerləşdirilməsi üzrə hərrac keçirilib. Hərrac zamanı 18 investor tərəfindən qiymət interval

18 may 2021
.

Azərbaycanda ərzaq məhsulları 5%-ə yaxın BAHALAŞIB - RƏSMİ

2021-ci ilin yanvar-aprel aylarında istehlak qiymətləri indeksi (inflyasiya) 2020-ci ilin yanvar-aprel aylarına nisbətən 4,0 faiz, o cümlədən ərzaq məhsulları, içkilər və tütün məmulatları üzrə 4,7 faiz, qeyri-ərzaq məhsulları üzrə 3,7 faiz, əhaliyə göstərilmiş ödənişli xidmətlər üzrə 3,1 faiz artıb

13 may 2021
.

20 qəpiyə alınıb 80 qəpiyə satılan pomidor - Niyə bu qədər fərq var? - VİDEO

Saatlıda pomidor yığımı davam edir. 2 həftədir sahədən məhsul yığılır və indiyədək 30 ton məhsul tədarük edilib. Xəzər TV-yə istinadən xəbər verir ki, məhsul bol olsa da, qiymətlər aşağıdır. Hazırda sahədə pomidorun kiloqramı 20 qəpiyə satılır. Bu isə təsərrüfat sahiblərini qane etmir. Çəkilən xərcl

26 iyul 2021
.

Azərbaycanda sosial ödənişlər nə qədər artıb?

Azərbaycanda son üç ildə sosial ödənişlər 2 400 00 00 manat və ya 60 faiz artaraq 6 400 00 00 manata çatıb, Dövlət Sosial Müdafiə Fonduna büdcədən transfert 40 faizdən 25 faizə enib. -ın məlumatına görə, bunu əmək və əhalinin sosial müdafiəsi naziri Sahil Babayev ilin ilk yarısının yekununa dair keçirilə

31 iyul 2021
.

Ermənistan 30 ildə vurduğu ziyana görə nə qədər kompensasiya ödəyəcək? - AÇIQLAMA

"30 il müddətində Ermənistanın Azərbaycana vurduğu ziyan tək mənəvi deyil, maddi ziyanlarla da müşahidə olundu. Bu ziyan milyardlarla dollar vəsaitlə ölçülə bilər". Bu sözləri - açıqlama verən iqtisadçı ekspert Elşad Məmmədov deyib. O bildirib ki, Ermənistanın bizə ödəyəcəyi təzminat haqqınd

19 iyun 2021
.

Xəzərin dayazsulu hissəsində kəşfiyyat quyularının qazılacağı tarix AÇIQLANDI - FOTO

Qazaxıstanın modernizasiyası yekunlaşmış "Sətti" qazma qurğusu vasitəsilə Abşeron Yarımadasının Dayazsulu Hissəsində qazma işlərinə start verilir. -ın məlumatına görə, Abşeron yarımadasının SOCAR və BP tərəfindən birgə istismar olunan dayazsulu hissəsində layihə çərçivəsində qazma işlərin

20 iyul 2021
.

Azərbaycan nefti kəskin ucuzlaşdı

Azərbaycan neftinin qiyməti kəskin ucuzlaşıb. "Azeri Light" markalı neftin bir bareli 4,78 ABŞ dolları və ya 6,45 faiz ucuzlaşıb. Nəticədə dünya bazarında Azərbaycan neftinin bir barelinin qiyməti 69,33 ABŞ dolları təşkil edib. Qeyd edək ki, "Azeri Light" markalı neftin bir barelini

20 iyul 2021