Etibarnamə ilə ev alanlar evlərini itirə bilər? - EKSPERTDƏN XƏBƏRDARLIQ
Daşınmaz əmlak bazarında bəzən evlər alqı-satqı müqaviləsi bağlanmadan, yalnız etibarnamə əsasında əldə edilir. Lakin etibarnamə alıcıya avtomatik olaraq mülkiyyət hüququ vermir və onu verən şəxs sənədi sonradan ləğv edə bilər. Bu isə alıcının ödədiyi vəsaiti və ev üzərindəki hüquqlarını itirməsi riski yarada bilər.
Bəs, etibarnamə ilə ev alan şəxslər hansı hüquqi risklərlə üzləşə bilərlər? Belə əməliyyat zamanı alıcı özünü necə qorumalı və evin mülkiyyət hüququnu tam təmin etmək üçün hansı sənədlər rəsmiləşdirilməlidir?
Mövzu ilə bağlı Sonxeber.az-a açıqlama verən əmlak məsələləri üzrə ekspert Fərid Cəfərli bildirib ki, etibarnamə əsasında daşınmaz əmlakın əldə edilməsi alıcı üçün ciddi hüquqi risklər yarada bilər.
"İlk növbədə, qeyd etmək lazımdır ki, etibarnamə mülkiyyət hüququnu təsdiq edən sənəd deyil, yalnız müəyyən hüquqi hərəkətləri həyata keçirmək səlahiyyəti verən nümayəndəlik sənədidir. Yəni etibarnamə əsasında evə dair alqı-satqı səlahiyyətinin verilməsi həmin əmlaka mülkiyyət hüququnun alıcıya keçməsi demək deyil.
Əsas risklərdən biri etibarnamənin istənilən vaxt ləğv edilə bilməsi, etibar edənin vəfatı və ya qanunvericilikdə nəzərdə tutulan digər hallarda qüvvədən düşməsidir. Belə vəziyyətdə alıcı ödədiyi vəsaiti geri almaqla bağlı ciddi hüquqi və maliyyə çətinlikləri ilə üzləşə bilər. Bundan əlavə, əmlakın üzərində həbs, ipoteka, mübahisə, üçüncü şəxslərin hüquqları və ya sərəncam məhdudiyyətlərinin olması da əlavə risklər yaradır.
Burada prinsipial məqam ondan ibarətdir ki, daşınmaz əmlak üzrə mülkiyyət hüququ müvafiq dövlət reyestrində qeydiyyatla rəsmiləşdirilməlidir. Buna görə də vətəndaşlar yalnız etibarnaməyə əsaslanaraq ödəniş etməməli, alqı-satqı müqaviləsinin qanuni qaydada bağlanmasını və mülkiyyət hüququnun öz adlarına dövlət qeydiyyatına alınmasını təmin etməlidirlər.
Nəticə etibarilə, etibarnamə ilə ev almaq mülkiyyət əldə etmək üçün hüquqi təminat deyil. Daşınmaz əmlak bazarında təhlükəsizliyin əsas şərti etibarnaməyə deyil, qanuni alqı-satqı müqaviləsinə və dövlət qeydiyyatına əsaslanmaqdır".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Rəşid Mahmudovun evində partlayış baş verib?
SON DƏQİQƏ! ABŞ İranın Qeşm adasını bombaladı: 5-6 partlayış baş verdi
Hər şeydə qüsur axtaran insanlar: Daim neqativ düşünməyin səbəbi nədir? - PSİXOLOQDAN AÇIQLAMA
Çek verməyən sahibkarları 1000, 3000 və 6000 manat cərimə gözləyir - AÇIQLAMA
Rusiya-Ukrayna müharibəsində yeni gərginlik - Avropa Putinə qarşı hərəkətə keçir
Kirayəçi evi boşaltmaqdan imtina edirsə, ev sahibi nə etməlidir? - EKSPERTDƏN AÇIQLAMA
Başqasının torpağında ev tikənləri hansı hüquqi təhlükə gözləyir? - ƏMLAK EKSPERTİNDƏN AÇIQLAMA
Gülarəni öldürməkdə şübhəli bilinən 18 yaşlı qardaşının fotoları
Övladına ev bağışlayan valideyn sonradan əmlakını geri ala bilərmi? - Ekspertdən AÇIQLAMA
Vəfat edən şəxsin pensiya kapitalı niyə ailəsinə verilmir? - İQTİSADÇIDAN AÇIQLAMA
Prezident bu ölkə ilə əbədi dostluq haqqında Müqaviləni təsdiqlədi
ABŞ-İran müharibəsində yeni gərginlik: Tehran ABŞ bazasını hədəfə aldı, Vaşinqton bölgəyə üçüncü aviadaşıyıcısını göndərdi
Rusiya Ukraynanı bombaladı
Yeni il bayramında turizm bölgələrində qiymət yarışı: Hansı istiqamət DAHA BAHADIR?
"Şamaxinka"dakı qəzada ölən kuryerin dəfninə dostları belə gəldi - Video