Erməni qadınları ərəb ölkələrinə, kişiləri isə Rusiyaya qaçır - VİDEO

"Ermənistanda qadınlar Ərəb Əmirliklərinə, kişilər isə Rusiyaya qaçırlar".

Bu açıqlama ilə Ermənistanın polis rəisi çıxış edib. O, çox sayda erməninin bu ölkəni tərk etməsini yoxsulluq, hüquqi biliklərin olmaması və savadsızlıqla əlaqələndirib.
Sonxeber.az xezerxeber.az-a istinadən bildirir ki, artıq Ermənistan rəsmiləri də bu ölkənin bərbad vəziyyətdə olduğunu göstərən açıqlamalar verməyə başlayıblar.
Aprel müharibəsindən sonra Ermənistanda özünü daha çox biruzə verən acınacaqlı durumun hər keçən gün dərinləşməsi rəsmi şəxsləri də etiraf məzmunlu açıqlamalar verməyə məcbur edir. Elə Ermənistan parlamentinin deputatı, general Seyran Saroyan kimi. Aprel müharibəsi ilə bağlı danışan general "Allah göstərməsin ki, müharibə başlasın. Bir təpəyə görə biz xalqı qırğına verə bilmərik. Bu yüksəklik elə də vacib deyil"-deyib. Onda belə bir sual ortaya çıxır ki, bu yüksəklik o qədər əhəmiyyətli deyildisə, Serj Sarkisyan niyə Müdafiə Nazirliyininin bütün köhnə generallardan təmizlədi və onların çoxunu ordudan qovdu...
Elə aprel döyüşündən sonra Ermənistan ordusunda hərc-mərclik artmaqla yanaşı, bu orduda qulluq etmək istəyənlərin sayı da azalıb. Qısa müddət əvvəl tələbələrin hərbi xidmətdən möhlət hüququnun ləğv edilməsi ilə bağlı aksiyaları da onların hərbi xidmətə getmək istəməməsi zərurətindən yaranıb. O da təsadüfi deyil ki, 2016-cı ilin aprelindən sonra Ermənistan ordusunda xidmət eləmək istəyən qadınların sayı iki dəfə artıb.
Onda maraqlı bir sual ortaya çıxır: Bəs erməni kişiləri hardadır? Bu suala Ermənistanın Mütəşəkkil Cinayətkarlıqla Baş Mübarizə İdarəsinin insan alveri ilə mübarizə şöbəsinin rəisi Vaçe Ovsepyan cavab verib. O, kişilərin miqrasiya üçün Rusiyaya, qadınların isə cinsi istismar üçün Türkiyə və Birləşmiş Ərəb Əmirliklərinə üz tutduqlarını etiraf edib. Belə ki, insan alveri ilə bağlı başlanan cinayət işlərinin 9-dan biri daxillə, qalanları isə xariclə bağlıdır. Ovsepyan qadın və kişilərin istismarının əsas səbəbi kimi Ermənistandakı ağır sosial durumu, hüquqi biliklərin aşağı səviyyədə olmasını və savadsızlığı göstərib.
Belə acı sonucun tək səbəbi əlbəttə ki, bu ölkədə illərdir davam edən rejim problemidir. Yanlış siyasətin nəticəsidir ki, bu ölkəni blokadaya salıb, onu bütün regional layihələrdən təcrid edib, xalqı acınacaqlı duruma salıb, erməni kişilərin Rusiyaya, qadınların isə Türkiyəyə kütləvi köçünə səbəb olub.

Telegramda izləyin