"Qurani Kərim" də evlənmə yaşı neçədir?

Türkiyənin əsas müxalifət partiyası, Cumhuriyyət Xalq partiyası (CHP), Parlamenti erkən evliliklər barədə təhqiqat başlamağa çağırıb.Çağırış, ölkənin dini qurumunun İslam qanunlarına görə 9 yaşında qızların ailə qura bilməsinə dair bəyanatına görə edilib.Türkiyə sosial mediasında qadın haqları qrupları bu fikirləri qəti pisləyib.Bundan sonra açıqlama verən Dinayət İşləri Müdirliyi bildirib ki, qurum yalnız İslam qanunlarını izah edib və heç vaxt erkən nikahların tərəfdarı olmayıb.

Bu məsələnin həm psixoloji həm də dini tərəfini araşdırdıq.

"Türkiyədə yazılan bir çox dini kitablarda evlilik yaşı 9, oğlanlarda isə 12-dir".

Bunu BiG.AZ-a açıqlamasında ilahiyatçı alim Əkrəm Həsənov bildirib.

Əkrəm Həsənov vurğulayıb ki, ərəblərin dövründə də uşaqların yetkinlik yaşı 8-9 götürlürdü. "Bizim dövrümüzdə də yetkinlik dövrü müxtəlifdir. Həddi-buluğ dövrünün əlamətləri var. Peyğənbərimizin 9 yaşlı Aişə anamızla evlənməsini bu gün də ateislər tənqid edir. Müasir dövrdə İslam alimləri deyirlər ki, evlənən zaman kişi və qadın da müəyyən şərtlərə riayyət etməlidir. Alimlər evlənmə yaşını 18-25 yaş müəyyənləşdiriblər. Hətta bu yaşda evlənməyə də bilərlər. Yəni ailə quracaq qız və ya oğlan ailənin nə olduğunu anlamalıdır. Bu gün azyaşlıların evləndirilməsi müəyyən problemlərə səbəb olur. Müasir dövrümüzdə bu cür fikirlər səsləndirilməsi düzgün deyil. Quranda konkret evlənmə yaşı göstərilmir. Sadəcə həddi-buluğ dövrü kimi göstərilir".

9 yaşlı qızın yeniyetməliyə təzə qədəm qoyduğunu bildirən Psixologiya və Konsultasiya Mərkəzinin rəhbəri, psixoloq Elnur Rüstəmov bu yaşda qızların ailə qurması, ana olması, gələcəkdə çox böyük problemlərə səbəb ola biləcəyini qeyd edib.

Psixoloq söyləyib ki,bu həm nəzəri həm də praktiki cəhətdən özünü doğrultmayan fikirdir. 9 yaşlı qız necə ailə qura bilər? Bəlkə onlar qız və oğlan üçün yeniyetməliyə qədəm qoyulma yaşları nəzərdə tutur. Xüsusilə bu fikir boşanmaların, problemli uşaqların doğulmasının sayını artıracaq. 9 yaşlı qızın uşaq dünyaya gətirə bilməz. Çünki 9 yaşlı qızın özü uşaqdır. 9-12 yaşlı yeniyetmə necə ailə məsuliyyəti daşıya bilər. Düzdü onlar İslama istinad edə bilərlər. Amma şərait, dönəm fərqlidir. Bu fikir cəmiyyətə güclü psixoloji zərbə ola bilər. Hansı valideyn qızını 9 yaşında evlənməsinə izin verəcək? Nəzərə alsaq ki, qız və yaxud oğlan 18 yaşına kimi valideynlərinin himayəsindədir. Bu yaşda uşaqların seçim təcrübəsi formalaşmayıb. Bu gün dünyanın hər yerində erkən nigaha qarşı çıxılır. Azərbaycanda nigahla bağlı qanunvericilik var. Qanunvericilikdə göstərilir ki, 18 yaşı tamam olmayan heç kim rəsmi nigaha girə bilməz. Ölçülüb biçildikdən sonra yaş həddi seçilməlidir.

BiG.AZ

Telegramda izləyin