"İran müharibədə Azərbaycanın qalib gəlməsini gözləmirdi" - Politoloq

Son günlər İranın Azərbaycana qarşı münasibətində dəyişikliklər olması xoşagələn hal deyil. Təəssüf ki, qardaş münasibətdə olan iki ölkənin arasında soyuqluq hiss olunmağa başlayıb.

Sonxeber.az məsələ ilə bağlı politoloq Əziz Əlibəylidən münasibət öyrənib.

O bildirib ki, biz müstəqilik, güclüyük və hər bir aqressiya hərəkətinə qarşı ciddi cavab verə bilərik:

"Cənab Prezident bütövlükdə İrana qarşı münasibətdə çox dəqiq bir xətt seçmişdi. İran üçün müharibə bitən kimi "3+3" formatı elan etdi, yəni Qafqazın 3 ölkəsi, üstəgəl 3 qonşu ölkənin də faydalanacağı platforma təklif etdi. İran bundan da çox faydalana bilərdi. Amma müharibə bitdikdən sonra, görürsünüz ki, İranın Azərbaycana münasibəti artıq başqa formalara keçdi. Bu da onunla əlaqədardır ki, İran müharibədə Azərbaycanın qalib gəlməsini gözləmirdi. Çünki birinci müharibənin nəticəsindən 30 il keçmişdi və bunlar elə hesab edirdilər ki, həm narkoticarət, həm də silah qaçaqmalçılığı üçün Azərbaycanın işğal altında olan torpaqlarından keçən yoldan istifadə edəcəklər. Torpaqlar işğaldan azad olunandan sonra bunlar artıq Azərbaycana qarşı çıxmağa başladılar.

Nəhayət, mən bir şeyi də qeyd edim ki, cənab Prezidentin məhz Zəngilana, Cəbrayıla gedib o cür mesajlar verməsi iki vacib məqsədlə yadda qaldı. Birincisi, "Harop"larla mesaj verdi ki, biz müstəqilik, güclüyük və hər bir aqressiya hərəkətinə qarşı cidd cavab verə bilərik. İkincisi, "Araz Vadisi İqtisadi Zonası"nı yaratdı və bununla da İranın faydalanması üçün hər bir şərait inşa etdi.

Bu baxımdan, İranın bu gün hərbi təyyarələr üçün sərhədi bağlaması, paralel şəkildə Azərbaycanın da Bakıdakı həmin nümayəndəliyi qapatması qarşılıqlı mesajlardır. Azərbaycan tərəfi öz ərazisindən İran əleyhinə istifadə etmir, Qoşulmama Hərəkatının sədri kimi, bloklara imkan da vermir ki, İrana qarşı hansısa üçüncü ölkə gəlsin Azərbaycandan yararlansın. Amma bunu İran tərəfi qiymətləndirməlidir və başa düşməlidir ki, orada Güney Azərbaycan məsələsi var.

Bütövlükdə isə, müharibə İlham Əliyevi bütün dünya azərbaycanlılarının liderinə çevirib. Yəni bu cür ciddi nüanslar "bozqurd" işarəsi ilə axırıncı təlimdə də yadda qaldı".

Aysel Səfərzadə

Telegramda izləyin