Rusiyada spirtdən ölənlərin sayı 20-ə çatdı - YENİLƏNİB

Rusiyanın Orenburq vilayətində saxta alkoqollu içdikdən ölənlərin sayı 20 nəfərə çatıb, daha 16 nəfər xəstəxanaya yerləşdirilib. Onlardan bir neçəsinin vəziyyəti ağırdı. Artıq baş verənlərlə bağlı 3 nəfər həbs olunub.

*03:21

Rusiyanın Orenburq vilayətində saxta alkoqollu içdikdən ölənlərin sayı 11 nəfərə çatıb, daha 4 nəfər xəstəxanaya yerləşdirilib. Onlardan 2-nin vəziyyəti ağırdır.

Sonxeber.az APA-ya istinadla xəbər verir ki, bu barədə yerli hökumətin mətbuat xidməti məlumat yayıb.

Ölənlərin qanında metanol maddəsi tapılıb. Həkimlərin açıqlamasına görə, aşkar edilən metanol ölümcül dozadan dəfələrlə çox olub.

Hadisə ilə əlaqədar Orenburq vilayətinin qubernatoru Denis Pasler bölgəsinin ərazi rəhbərləri ilə təcili toplantı keçirib. Qubernator əhaliyə qanunsuz alkoqollu içkilərin alınmasının və qəbul edilməsinin yolverilməzliyi barədə məlumat verməyi tapşırıb.

Faktla bağlı cinayət işi açılıb.

Telegramda izləyin