3-cü doza buster dozadan nə ilə fərqlənir?

Ölkəmizdə 2-ci doza vaksinin vurulması davam etdirilir. Artıq bir çox ölkələrdə 3-cü doza vaksinin vurulmasına da başlanılıb. Bəs 3-cü doza vaksin kimlərə vurulmalıdır? Vurulması vacibdirmi?

Məsələ ilə bağlı Sonxeber.az-a açıqlama verən infeksionist Nicat Əzimli bildirib ki, 3-cü doza vaksin əvvəlki dozalarla eyni olur:

"3-cü doza və buster doza fərqli şeylərdir. Onların arasındakı əsas fərq tətbiq olunmasındakı səbəblərdir. 3-cü doza üxtəlif immunsupressiv xəstəlikləri olan və ya hazırda immun sistemini zəiflədən hər hansı bir preparatlardan istifadə edən şəxslərə vurulur. Yəni standart 2 doza peyvənd onların orqanizmində süni immunitetin yaranması üçün yetərli olmur və tam immunizasiya məqsədilə 3-cü doza tətbiq olunur. Qeyd edək ki, bu şəxslər insanların 3 faizini təşkil edir.

Buster doza isə 2 doza ilə tam peyvəndlənmiş hesab olunan sağlam şəxsin orqanizmində zamanla zəifləmiş immuniteti gücləndirmək üçün vurulur. 3-cü dozada vurulan peyvəndin dozası əvvəlki 2 doza ilə eyni olur, buster dozada isə eyni və ya yarı doza vurula bilər".

Aytəkin CƏLALİ

Telegramda izləyin