Araxamiya: Bununla razılaşmağımız qeyri-mümkündür!

Rusiya ilə danışıqlarda tərəflərin razılığa gəlməsinə mane olan bir neçə problemli məsələ var.

Bunu Ukrayna Ali Radasındakı "Xalqın xidmətçisi" fraksiyasının rəhbəri David Araxamiya deyib.

"Razılaşmağın demək olar ki, qeyri-mümkün olduğu yeganə hissə Krım və qondarma respublikalardır. Rusiya onları müstəqil kimi tanımaqda israrlıdır. Bu, Ukrayna cəmiyyəti üçün qəbuledilməzdir", - Araxamiya bildirib.

O, əlavə edib ki, Ukrayna nümayəndə heyəti ölkənin ərazi bütövlüyü məsələlərində güzəştə getməyəcək. Onun sözlərinə görə, bu məsələdə Ukrayna tərəfinin mövqeyi qətidir:

"Biz istənilən digər dinamik variantları müzakirə etməyə hazırıq, lakin bu ərazilərin tanınmasını yox", - Araxamiya qeyd edib./Axar

Telegramda izləyin