Bu heykəl qorxunc olsa da, mənalıdır - FOTO

İnsanların diqqətini çəkən bu heykəl 2009-cu ildə hazırlanıb.

Sonxeber.az-ın məlumatına görə, heykəl belçikalı rəssam Tomas Leroya məxsusdur.

Multimedia rəssamı olan Tomas klassik motivləri təhrif edən, mutasiya edən və ya mürəkkəbləşdirən təxribatçı heykəllər və rəsmlər yaradır.

Heykəlin adı "Not Enough Brains to Survive", yəni "Sağ qalmaq üçün kifayət qədər beyin yoxdur" mənasına gəlir. Ancaq heykəlin adı "düşüncənin ağırlığı" və ya "çox düşünmək heykəli öldürür" kimi də mənalandırılır.

2009-cu ildə hazırlanan heykəl sənət tarixində gözəllik və mükəmməllik anlayışına ironik bir istinad verir. Heykəlin yunan heykəlinə bənzəməsi, eyni zamanda başının bədənindən böyük olması gözləntilərin əksinədir.

Bəzi tənqidçilər heykəlin onların qərəzlərini əks etdirdiyini bildirir. Bunu insanları yetişdirərkən vurulan lazımsız mükəmməlliyə tənqidi yanaşma kimi qələmə verənlər də var.

Aysel SƏFƏRZADƏ

Telegramda izləyin