Xalq artistindən ETİRAZ: "Bu şair, yazıçı, bəstəkar nə etsin?" - VİDEO

Xalq artisti Siyavuş Kərimi, "Mtv Azərbaycan" kanalında yayımlanan "Üzə-düz" proqramının qonağı olub.

Sonxeber.az-ın məlumatına görə, xalq artisti bəstəkarlara, şairlərə, yazıçılara haqsızlıq edildiyini düşünür.

O bildirir ki, toydan, konsertdən, hətta disk satışından belə yaradıcı insanların qonorarı çatmalıdır:

"Yaradıcı insan öz əsərinin bəhrəsini görməlidir. Musiqiçilər gedib toydan qazanırlar, Allah bərəkət versin. Yaxşı, bəs bu şair, yazıçı, bəstəkar nə etsin? Onun əsəri hardasa istifadə olunursa, o bunun qonorarını almalıdır. Toydan, konsertdən, hətta disk satışından belə yaradıcı insanların qonorarı çatmalıdır. Müğənni mahnı üçün bəstəkar, şairə niyə pul ödəməlidir ki, başa düşmürəm?! Məsələn, bəstəkar mahnı üçün Mübariz Tağıyevi dəvət edir ki, ifa etsin, o bunun üçün niyə pul ödəməlidir? Mahnı dövlətə satılmalıdır. Dövlətin də alıcı təşkilatı olmalıdır. Bəstə hər dəfə radio, TV də satılanda o pul qəpik- qəpik yığılmalı və yaradıcı heyətin payına çatmalıdır. Mən 30 il olar ki, Avropada verilişlərdən qonorar alıram. Sonuncu dəfə 700 dollar gəldi..."

Aysel SƏFƏRZADƏ

Telegramda izləyin