Azərbaycanda bu məhsullar bahalaşdı - SİYAHI

Son illərdə iqtisadiyyata təsir edən amillər dünya bazarlarında inflyasiyaya səbəb olduğu üçün bir çox məhsulların, xüsusilə ərzaqların qiymətində gözlə görünəcək dərəcədə artım müşahidə olunur. Hətta hazırda əhali gəlirlərinin təxminən yarısını qida və ərzaq xərclərinə sərf edir. Bu da əksəriyyətin sosial vəziyətinə böyük zərbədir.

"Son vaxtlar bazarlığa getmirdim yoldaşım edirdi bu yaxınlarda özüm də getdim dəhşətə gəldim marketlər od tutub yanır. Qənaət etmək də olmur, uşaq hər gün bir şey istəyir, yox deməyə də adam utanır".

Sonxeber.az xəbər verir ki, bu sözləri Bizim.Media-ya açıqlamasında Samirə Vəliyeva bildirib. Şikayətçi Samirə xanımın qeyd etdikləri demək olar ki, hazırda əksər ailələrin sosial probleminə çevirilib.

Bu ilin yanvar-iyul aylarında istehlak qiymətləri ötən ilin yanvar-iyul aylarına nisbətən 13% bahalanıb.

Qiymət artımı olan bəzi məhsulların hazırki qiymət siyahısını təqdim edirik:

1. Çörək – Əvvəl 40 qəpiyə satılan çörəklər hazırda 60-75 qəpikdən başlayaraq növünə görə qiymətləri dəyişib. Qara çörəklərin qiyməti ən son 80 qəpikdən 2 manat 75 qəpiyə qədər artıb.

2. Kərə yağı – 250 qramlıq kərə yağları əvvəlki qiymət ilə 3 manat 80 qəpiyə satılırdısa, hazırda bu rəqəm 4.90 AZN-ə çatıb. (Növünə görə dəyişir)

3. Duru yağ - 1 litrlik qarğıdalı yağı əvvəllər 4 manat civarında satılırdısa, hazırda bu rəqəm 6 manat və daha yüksəyə çatıb.

4. "Super Sun" yağlarının 12 manat 58 qəpiyə satılan 1.75 kiloqramlığı, hazırda 19 manat 50 qəpiyə çatıb.

5. Şəkər tozu və kisəsi - 1 kiloqramlıq şəkər tozu 80 qəpikdən, 1 manat 56 qəpiyə qədər bahalaşıb. 50 kq-lıq şəkər tozu kisəsi isə 67 AZN-dən 75 AZN-ə çatıb.

6. Süd və süd məhsulları – 376 qramlıq xamalar hazırda 2 manat 50 qəpikdən yox, 5 manata çatıb.

7. Tütün məmulatları - 2-3 manat aralığında olan siqaretin qiyməti, hazırda 4 manat 20 qəpiyə qədər bahalaşıb. (Növünə görə dəyişir)

8. Dezodorant-antiperspirantlar - Qiyməti 3-4 manat civarında dəyişən antiperspirantların qiyməti hazırda 6 manat 25 qəpik və 8 manat 50 qəpik arasında dəyişir.

9. Konservləşdirilmiş məhsullar - qiyməti 4 manatdan başlayan 150 qramlıq ton balıqlarının qiyməti hazırda 6 manata çatıb.

10. Gigiyenik vasitələr və yuyucu tozlar – qiyməti 60 qəpikdən başlayan sabunların qiyməti artıq 1 manata çatıb. Yuyucu tozların 1 kilo 500 qramı 5-6 manatdan başlayırdısa, hazırda bu rəqəm 7 manatdan başlayır.

Həmçinin bu ilin avqust ayında əvvəlki aya nisbətən ayrı-ayrı ərzaq məhsullarından daha çox bahalaşma düyünün, qarabaşaq yarmasının, makaron məmulatlarının, kolbasa məmulatlarının, mal, qoyun və toyuq ətinin, qatılaşdırılmış şəkərli südün, xamanın, yumurtanın, bitki yağlarının, limonun, pomidorun, soğanın, sarımsağın, mərcinin, şəkər və şəkər tozunun, konfetlərin, qəhvənin, mineral suların, kola içkisinin, limonadın, pivənin, ucuzlaşma isə əsasən təzə balığın, bananın, gavalının, əriyin, şaftalının, qarpızın, yemişin, xiyarın, kələmin, bibərin, badımcanın, göy lobyanın, kartofun, çuğundurun, yerkökünün qiymətlərində müşahidə olunub.

Bu məhsulların qiymətində avqust ayı üzrə ən azı 10-15 faiz bahalaşma müşahidə olunub.

Telegramda izləyin