"Bu şəkil bir çox siyasi sualların cavabıdır" - NAQİF HƏMZƏYEV

"Şanxay Əməkdaşlıq Təşkilatının növbəti toplantısı çərçivəsində Səmərqənddə dünya liderlərinin iştirak edirlər. Bu görüşdə rəsmi hissələrlə yanaşı mədəniyyət tədbirləri də var. Bu tədbirlər içərisində "Əbədi şəhər" adlanan ərazidə ölkə rəhbərlərinin gəzintisi təşkil edilib".

Bunu Sonxeber.az-a olan açıqlamasında Milli Məclisin deputatı Naqif Həmzəyev deyib.

O bildirib ki, bu gəzintidən sonra ölkə liderləri çay süfrəsi arxasında görüşüblər və bu görüş zamanı qeyri-rəsmi söhbətlər gedib.

"Bu şəkil bir çox siyasi sualların cavabıdır. Burda Türkiyə prezidenti Rəcəb Tayyib Ərdoğan və Azərbaycan Respublikasının Prezidenti İlham Əliyevi, digər ölkələrin dövlət və hökumət başçılarının iştirak eləmələri və Rəcəb Tayyib Ərdoğanın nitqinə qulaq asmaları, onun dünyada söz sahibi olan liderlərdən biri olduğunu göstərir. Şanxayda Türkiyə prezidentinin də iştirak etməsi digər liderlər tərəfindən də xoş qarşılanır. Cənab İlham Əliyevin Türkiyə prezidentinin yanında oturması və digər fotolarda Cənab Prezidentin başqa prezidentlərlə səmimi dialoqlarının baş tutması onun nə qədər hörmətə layiq, önəmli lider olduğunu ortaya qoymaqdadır. Burdan belə bir nəticə çıxartmaq olar ki, Ermənistanın ümid edib kömək gözlədiyi ölkə liderlərinin əksəriyyəti burda iştirak edir. Onlar da Cənab Prezident və Ərdoğanla yaxın münasibətdədirlər. Bu da onu göstərir ki, Cənab Prezident qalib, zəfər çalmış ölkənin lideri olaraq bu toplantıya qatılıbdır. Azərbaycanın Şanxay Əməkdaşlıq Təşkilatının üzvləri tərəfindən yeri və önəmi dərk edilib, qəbul olunur və Azərbaycanla əlaqələrin güclənməsinə bu ölkələr çox böyük dəyər verilir".
AYSEL QULİYEVA

Telegramda izləyin