Paşinyan Səmərqəndə getməkdən niyə imtina etdi? - AÇIQLAMA

"Rusiya, Türkiyə ilə olan münasibətlərimiz və Ermənistan rəhbərliyinin ora gedəcəyi təqdirdə 4-tərəfli görüşün keçirilməsi kimi məsələlər çox böyük önəm daşıyırdı".

Bunu BiG.AZ-a açıqlamasında millət vəkili Zahid Oruc Ermənistanın Baş naziri Nikol Paşinyanın Şanxay Əməkdaşlıq Təşkilatının Səmərqənddəki Sammitində iştirak etməməsinə münasibət bildirərkən deyib:

Deputatın sözlərinə görə, Paşinyanın mövcud vəziyyətlə əlaqədar bu görüşdən imtina etməsinə ölkəsindəki ictimai-siyasi böhranın da təsiri var:

"Paşinyan bu görüşdən məhrum oldu, çünki yaxşı başa düşürdü ki, hazırda ictimai-siyasi münasibətlər və siyasi böhran səbəb ola bilər ki, ölkədən gedəcəyi təqdirdə geri qayıda bilməsin və faktiki olaraq onu hakimiyyətdən devirsinlər. Bir çox ekspertlər Paşinyanın orada iştirak etməməsinin qərbpərəst xarici dairələrin xüsusi bir ssenarisi hesab edir və Filip Rikerin, Nensi Pelosinin İrəvana səfəri ilə əlaqələndirirlər. Burada həqiqət elementləri çoxdur və bu, bizim ölkəmizin yalnız faydasınadır".

Telegramda izləyin