"Günəşin meşəni yandırmağa gücü çatmaz" - Ekoloq

İstiqamət: Ekologiya və ətraf mühitin mühafizəsi

Bu yay Azərbaycanda meşə yanğınları çox müşahidə olundu. Meşə yanğınlarını yaradan səbəb nədir və əvvəlcədən bunun qarşısını necə almaq olar?

Bununda bağlı Sonxeber.az-a açıqlama verən ekoloq Telman Zeynalov bildirib ki, meşədə rütubət çox olduğuna görə günəşin meşəni yandırmağa gücü çatmaz. Səbəb insan faktorudur:
"Meşə yanğınlarının səbəbi insan faktorudur. Günəşin meşəni yandırmağa gücü çatmır. Çünki meşədə rütubət çoxdur. Yerli icra hakimiyyətindən tələb etmək lazımdır ki, kimin yandırdığnı tapsınlar.
İnsanların səhlənkarlığı, otu yandırıb qığılcımın meşəyə düşməsi nəticəsində yanğın baş verir. İnsanlara xəbərdarlıq etmək lazımdır ki, həyətlərində ot yandırmasınlar.
Çirkin iqtisadi oyunlar gedir. Qlobal istiləşmə yoxdur. İki nəhəng qurum, alternativ yanacaq və qaz-neft bir-biri ilə müharibə aparırlar. Mənə elə gəlir ki, son dövrlər neft-qaz qalib gəlir. Qış başlayanda Avropa neft və qazsız qalacaq.Neftin qiymətinin qalxması çirkin oyunların bir hissəsidir. Əgər Yer kürəsində kənd təsərrüfatı tullantılarını idarə etsələr, əlavə qaz, enerji almaq olar. Bu, qlobal problemdir və Azərbaycan da geri qalmır".

Material Azərbaycan Respublikasının

dəstəyi ilə hazırlanmışdır.
Şəbnəm Lətifi

Telegramda izləyin