"Biz kiçik və orta biznes inkişaf mərkəzləri vasitəsi ilə sahibkarlara dəstək göstəririk" - Orxan Məmmədov

Bakıda BYF EduExpo 2022 təhsil sərgisi keçirilib.
Sonxeber.az xəbər verir ki, sərginin təşkilatçılarından olan KOBİA-nın idarə heyətinin sədri Orxan Məmmədov bildirib ki, sərgi kiçik sahibkarlara daha yeni səviyyəyə çıxmalarına və öz məktəblərini daha böyük auditoriyaya yaymalarına imkan yaradacaq:
"Bu gün biz təhsil sərgisi keçiririk. Bildiyiniz kimi bu yarmarkada 50-ə yaxın kiçik və orta biznes şirkətləri öz məktəblərini yaradıblar ki, öz məhsullarını nümayiş etdirsinlər. Çox hörmətli qonağımız Anadolu Universitetinin rektoru da bizimlədir. Təhsil hər kəs üçün önəmli olduğu kimi sahibkarlar üçün də önəmlidir. Biz də öz növbəmizdə kiçik və orta biznes inkişaf mərkəzləri vasitəsi ilə sahibkarlara dəstək göstəririk. Treyninqlər, master klaslar keçiririk. Bu sərgidə də imkan yaranıb ki, kiçik sahibkarlar daha yeni səviyyəyə çıxsınlar və öz məktəblərini daha böyük auditoriyaya yaysınlar".

Şəbnəm Lətifi

Telegramda izləyin