Alimlər sübut edib ki, nikah sağlamlıq üçün faydalıdır və demensiya riskini azaldır...

Alimlər sübut edib ki, nikah sağlamlıq üçün faydalıdır və demensiya riskini azaldır...

"Tənha və boşanmış adamlarda ağıl zəifliyi xeyli çox olur..."

"Alimlər bunun sosial təcridlə bağlı olduğunu, belələrinin stresə, psixi pozuntulara və arzuolunmaz vərdişlərə çox meylli olduğuna görə baş verdiyi qənaətindədir..."

Bir çox müasir insanlar uzunmüddətli münasibətlərə daxil olmamağa üstünlük verir. Lakin alimlər əmindir ki, bununla onlar öz sağlamlıqlarına zərər vurur.

Hər halda Norveç alimlərinin apardığı tədqiqat göstərib ki, evli insanlar və ya uzunmüddəti münasibətdə olanlarda demensiya (ağıl zəifliyi) daha az rast gəlinir.

Moderator.az xəbər verir ki, bu barədə "Detaly" nəşri yazıb.

"Journal of Aging and Health" jurnalında dərc edilən yeni tədqiqat göstərib ki, evlilərdə tənha və ya boşanmış adamlara nisbətən ağıl zəifliyi və koqnitiv pozuntular riski daha aşağıdır, bu da uzunmüddətli münasibətlərin üstünlüyünü göstərir.

Bu nəticəyə gəlmək üçün Norveç İctimai Səhiyyə İnstitutu (NIPH) 44-68 yaş arasında 8706 nəfərdən seçim edərək onları 70 yaşınadək izləyib.

Nəticədə müəyyən edilib ki, heç vaxt nikaha girməyənlərdə ağıl zəifliyi diaqnozu qoylub, amma bir tərəf-müqabillə uzunmüddətli münasibətdə olanlarda xəstəlik səviyyəsi 6 faiz aşağı olub.

"Orta yaşda nikaha girməklə yaşlananda demensiyanın aşağı inkişaf riski arasında əlaqə var. Bizim nəticələrimiz də həmçinin göstərib ki, boşananlarda demensiya halları xeyli çoxdur", - bunu təqiqat rəhbəri Hard Skirbek deyib.

Qeyd etmək lazımdır ki, əvvəlki tədqiqatar da həmçinin göstərib ki, sosial təcrid xüsusilə kişilərdə və uşaqlarda demensiyanın güclü inkişaf amilidir.

Lakin yeni tədqiqata həm kişilər, həm qadınlar, habelə uşqlı və uşaqsız insanlar daxil edilib.

Norveç alimlərinin tədqiqatının nəticələri göstərib ki, seçilənlərin 11, 6 faizində demensiya, 35, 3 faizində isə yüngül koqnitiv pozuntular imkişaf edib.

Bu insanlar arasında ən az xəstələnmə halları daimi nikahda olanlarda, ən yüksək xəstələnmə isə heç vaxt evli olmayanlarda müşahidə edilib. Ağıl zəifliyinin yüksək riski həmçinin boşanmış adamlarda müşahidə edilib.

Bunun nədən belə olduğu sualı açıq qalır. Alimlər nikahın insan beynini demensiyadan necə qoruduğunu birmənalı izah etməkdə çətinlik çəkir.

Lakin onlar güman edir ki, bu, sosial təcridlə bağlı ola bilər. Uzun müddət tənha yaşayan insanlar stresə, psixi pozuntulara və digər arzuolunmaz vərdişlərə, məsələn, siqaret çəkməyə, alkoqoldan istifadə etməyə və ya artıq yeməyə daha çox meylli olur, nəticədə ahıl yaşlarında həyat keyfiyyətinə mənfi təsir edir.

Xatırladaq ki, əvvəllər demensiyanı dayandıra biləcək məhsullardan yazmışıq. Onlarla tədqiqat göstərib ki, meyvə-tərəvəzlə zəngin qida rasionu dünyada on milyonlarla insanın əziyyət çəksdiyi ağıl zəiflyinin inkişaf riskini azaldır.

Ekspertlər həmçinin hesab edir ki, müəyyən pəhrizə riayət edilməsi demensiyanı yaradan bioloji mexanizmlərə təsir edə bilər./Moderator

Telegramda izləyin