Ögey nəvəsini zorlayan baba: "Yanımda hamam xalatında gəzirdi"

Türkiyənin Ankara şəhərində 58 yaşlı O.S.-nı 14 yaşlı ögey nəvəsi M.M.-ə təcavüz etdiyi üçün 16 il həbs cəzası gözləyir.

BiG.AZ türk mətbuatına istinadən xəbər verir ki, xəstəxanada yeniyetmənin cinsi istismara məruz qaldığı təsdiqlənsə də, O.S. ittihamların böhtan olduğunu bildirib.

"Yoldaşımla aramızda münaqişələr olduğu üçün mənə iftira atırlar. M.M. son zamanlar mənimlə təhqiramiz danışırdı. Evin içində hamam xalatıyla gəzirdi", - deyə müttəhim ifadə verib.

Ötən ilin iyun ayının 25-də Qırğızıstan əsilli yeniyetmə nənəsinin ikinci həyat yoldaşı O.S-nın birlikdə yaşadıqları evdə ona təcavüz etdiyi barədə Adanada yaşayan anasına danışıb. Ananın şikayəti əsasında nəzarət altına alınan O.S. şərti azadlığa buraxılıb.

Ankara Baş Prokurorluğu tərəfindən başladılan istintaq zamanı isə O.S. üçün 16 il həbs cəzası istənilib.

Onun Ankara Ağır Cəza Məhkəməsində hakimin qarşısına çıxacağı gözlənilir.

Telegramda izləyin