Volodin NATO-nu nüvə ilə HƏDƏLƏDİ: Kiyevə silah ötürsəniz...

Rusiya Dövlət Dumasının sədri Vyaçeslav Volodin bildirib ki, ABŞ və digər NATO ölkələri "dinc şəhərlərə hücum etmək və ərazilərimizi ələ keçirməyə çalışmaq" məqsədi ilə Ukraynaya hücum silahları ötürsələr, o zaman Rusiya daha "güclü silahlarla" cavab verəcək.

Bu barədə Volodin Teleqram kanalında yazıb.

Dövlət Dumasının spikeri vurğulayıb ki, Vaşinqton və Brüssel öz hərəkətləri ilə "dəhşətli müharibəyə" təhrik edir, "hərbi və kritik infrastruktura zərbələr endirilən bugünkündən" tamamilə fərqli hərəkətlər edir.

"Rusiya silahlarının texnoloji üstünlüyünü nəzərə alaraq, xarici siyasətçilər başa düşməlidirlər ki, bu, onların ölkələrini məhv edəcək qlobal faciə ilə nəticələnə bilər", - Volodin bildirib.

Eyni zamanda, Duma sədri qeyd edib ki, nüvə dövlətlərinin əvvəllər heç vaxt yerli münaqişələrdə kütləvi qırğın silahlarından istifadə etmədiyinə dair arqumentlər əsassızdır: "Bu ölkələr heç vaxt öz vətəndaşlarının və dövlətin ərazi bütövlüyünün təhlükəsi ilə üzləşməyiblər"./Publika

Telegramda izləyin