Rusiya axtarış-xilasetmə qrupu işlərini yekunlaşdırıb

Türkiyə və Suriyada baş verən zəlzələdən zərər çəkmiş bölgələrdə Rusiya axtarış-xilasetmə qrupu işlərini yekunlaşdırıb.

Sonxeber.az xəbər verir ki, bu barədə Rusiya fövqəladə hallar naziri Aleksandr Kurenkov məlumat verib.

Rusiyanın fövqəladə hallar naziri Aleksandr Kurenkov zəlzələ bölgəsində axtarış-xilasetmə qrupları ilə onlayn söhbətində bildirib ki, Rusiya Türkiyə və Suriyada zəlzələdən zərər çəkən insanlara yardıma gələn ilk ölkələrdən biri olub.
Kurenkov, qrupların zəlzələ günü olan fevralın 6-dan ən çətin bölgələrdə axtarış-xilasetmə işlərinə başladığını bildirib.

Aralarında psixoloqlar və xüsusi təlim keçmiş itlərin də olduğu 200 nəfərlik bir qrupun Türkiyə və Suriyada çalışdığını deyən Kurenkov, araşdırmalarla bağlı daim Putinə hesabat verdiyini bildirib.

Şəbnəm Lətifi

Telegramda izləyin