Ermənistan və Türkiyə üçüncü ölkə vətəndaşları üçün quru sərhədlərinin açılması ilə bağlı razılığa gəliblər

"Ermənistan və Türkiyə Ermənistan-Türkiyə quru sərhədinin üçüncü ölkə vətəndaşları üçün açılması üzrə işlərin intensivləşdirilməsinə dair razılığa gəliblər".

Sonxeber.az xəbər verir ki, bu sözləri Türkiyənin Ermənistanla normallaşma üzrə xüsusi nümayəndəsi Serdar Kılıç Armenpress-ə müsahibəsində deyib.
"Üçüncü ölkə vətəndaşları üçün sərhədlərin açılmasına gəlincə, nazirimiz çıxışında qeyd etdi ki, bu məsələ ətrafında işlərin intensivləşdirilməsi ilə bağlı razılıq əldə olunub. İki nazir razılığa gəldilər, biz mümkün olan hər şeyi edəcəyik ki, qısa müddətdə Marqara körpüsünü işə sala bilək",- deyə Kılıç Ermənistan və Türkiyə xarici işlər nazirlərinin Ankara görüşündən sonra deyib.

Qeyd edək ki, Ermənistan xarici işlər naziri Ararat Mirzoyan Türkiyəyə səfəri çərçivəsində zəlzələdən zərər çəkmiş Adıyaman bölgəsinə baş çəkib.

Şəbnəm Lətifi

Telegramda izləyin