İraq Türkiyə və Suriyaya yardım göndərib

İraqdan zəlzələlərdən sonra yardım materialları daşıyan 26 təyyarə Türkiyəyə, 24 təyyarə isə Suriyaya göndərilib.

Sonxeber.az xəbər verir ki, İraqın rəsmi xəbər agentliyi olan İNA-nın xəbərinə görə İraq Hökumət Katibliyinin Baş sözçüsü Heydər Məcid zəlzələdən sonra Türkiyə və Suriyaya yardım materialları daşıyan 50 təyyarənin göndərildiyini bildirib.

Məcid qeyd edib ki, Türkiyəyə göndərilən 26 təyyarə 136,5 ton, Suriyaya göndərilən 24 təyyarə isə 126,5 ton yük daşıyıb.

İraqın baş naziri Məhəmməd Şiya es-Sudani, Türkiyəyə Kahramanmaraşdakı zəlzələlərdən sonra xilasetmə işləri üçün təcili yardım və tibbi heyət və avadanlıq göndərilməsi göstərişi verərək, ölkəsinin hər cür köməyə hazır olduğunu açıqlayıb.

İraq hökuməti həmçinin Türkiyəyə yüksək kükürdlü 30 min ton mazut verilməsi barədə qərar qəbul edib.

Şəbnəm Lətifi

Telegramda izləyin