Kartofa bənzəyən bu göbələk cinsi gücü artırır - FOTO

Görünüşdən kartofa bənzəyən dombalan göbələyi haqqında heç eşirmisiniz? Trüfel göbələyi də adlanan bu bitki qarabağlı və naxçıvanlılara daha tanışdır, lakin Avropada geniş istifadə olunan qidalardan sayılır.

BİG.AZ xəbər verir ki, həkim-fitoterapevt, apiterapevt, bitkilər üzrə elmi işçi Elnur Eldaroğlu özünün "Facebook" səhifəsində dombalan göbələyi barədə məlumat paylaşıb.

Göbələyin faydaları haqqında yazan həkim qeyd edib ki, dombalan çox gözəl ətirli bir göbələkdir: "Bizdə yayğın olmasa da, Avropada dombalan ətrinin, necə deyərlər, aşiqləri var. Dombalan cinsi gücü, immuniteti artırır, xalq təbabətində şəkərə faydaları olması haqqında fikirlər var, tərkibindəki zəngin sink prostat hiperplaziyasında faydalıdır".

Hazırlanma qadasına gəldikdə isə , dombalan çiy halda rəndələnir, yeyilən yeməklərə qarışdırılır. Bu yeməklər bahalı olduğundan, hamı onları yeyə bilmir.

Dombalanı, həmçinin, rəndələyib, rafinə olunmamış zeytun yağına qarışdırıb, 3 gün 50 dərəcə temperaturda saxlayıb, süzürlər. Göbələyin gözəl ətri zeytun yağına keçir və bu yağı istifadə olunan yeməklərə və salatlara qatırlar.

Dr. Eldaroğlunun paylaşımında bu göbələyin bişirilmə qaydası əks olunan foto da yer alıb.

Telegramda izləyin