"Əmanətlərin azalma tendensiyası davam edərsə, depazit faizləri yenidən vergidən azad edilməlidir" - ŞƏRH

"Əmanətlərin azalma tendensiyası davam edərsə, depazit faizləri yenidən vergidən azad edilməlidir. Ona görə ki bu verginin gətirdiyi zərər onun faydasından daha çox ola bilər. Sözügedən depazitlərin həcmini və onun faizlərdən tutulan vergilərin həcmini hazırkı göstəricilər üzrə hesablasaq görərik ki, bu məbləğ 80 milyon manat ətrafındadır. Yəni 1 fevraldan bərpa edilən vergilər nəticəsində o qədər də böyük olmayan yığım formalaşacaqdır. Amma onun yaratdığı həyacan bank sektoruna daha çox zərər vura bilər.Vergi tutulması qüvvəyə minən kimi əmanətlərin həcmində 27 milyon manat azalma baş verdi. Belə ki, 11,928 milyard manatdan 11,901 milyard manata endi. Əgər bu azalma davam edərsə, o zaman mütləq vergi güzəştləri yenidən bərpa edilməlidir".

Bu sözləri Sonxeber.az-a iqtisadçı-ekspert Eldəniz Əmirov deyib.

O bildirib ki, dünya bank sektorunda həyəcanlı anların yaşanması, ardı-ardına bankların müflis olması, Azərbaycan əmanətçisində qeyri-ixtiyari qorxu yaradır.

"Bu qorxunun üzərinə də 10%-li vergini gələndə insanlar əmanətlərini banklardan geri çəkməyə qərar verirlər.Bu qərar təbii ki doğru qərar deyil. Yəni hazırda Azərbaycanda bankların kütləvi müflis olması kimi heç bir ciddi risk yoxdur. Qorxu və həyəcan yersizdir. Amma əmanətçilərin davranışı fundamental risklərə görə formalaşmır, kütlə davranışlarına görə daha çox formalaşır. Yəni adam baxır ki, insanlar əmanətlərini geri çəkir, qoy mən də çəkim. Əsassız yerə banklardan vəsaitlər geri çəkiləməyə başlayır. Beləcə bu heç bir ciddi risk olmadan yaranmış boş bir qorxu, bir neçə ay sonra ciddi problemlər yaradır. Hansı ki bu problemin həlli üçün hökümət həmin vergi vasitəsilə yığılmış vəsaitdən dəfələrlə çox vəsait xərcləməli olur".
AYSEL ƏKBƏR

Telegramda izləyin