Çili həftəlik iş vaxtını 45 saatdan 40 saata qədər azaldır

Çili parlamenti həftəlik iş vaxtını 45 saatdan 40 saata endirən qanun layihəsini təsdiqləyib.

Sonxeber.az xəbər verir ki, Çili prezidenti Qabriel Boriç hökumətinin parlamentə təqdim etdiyi və 127 səs lehinə, 14 əleyhinə səslə qəbul edilən qanun layihəsi 5 il ərzində ölkədə həftəlik iş vaxtının mərhələli şəkildə 45 saatdan 40 saata endirilməsini nəzərdə tutur.

"Bu gün bəzilərinə qeyri-mümkün görünsə də, işçilərinin həyat keyfiyyətini yaxşılaşdırmaq üçün addımlar atmağın mümkün olduğunu göstərdi" ,- deyə Çilinin əmək naziri Ciannette Cara bildirib.

Səsvermədən əvvəl sosial media hesabından etdiyi şərhdə prezident Boriç qanun layihəsinin ölkədə ədalətin daha geniş anlaşılması üçün əhəmiyyətli bir addım olduğunu deyib.

Qeyd edək ki, Çilidə həftəlik iş vaxtı 2005-ci ildə 48 saatdan 45 saata endirilib.

Telegramda izləyin