"Ramştayn-11": Ukrayna Qərbdən hansı silahları gözləyir?

"Yaxşı ki, bu müharibədə böyük gücə malik olan çoxlu sayda ölkələr bizə dəstək verir..."

"Ukrayna Amerikanın "F-15" və "F-16" qırıcı təyyarələrini alacağı təqdirdə işğal edilmiş əraziləri tez bir zamanda azad edə bilər..."

Ukraynanın müdafə məsələləri üzrə Təmas qrupunun növbəti iclasından Ukrayna "F-16" qırıcı təyyarələrinin verilməsi barədə qərar gözləyir.

Bu barədə Ukrayna Hava Qüvvələrinin spikeri Yuri İqnat "Yedinıye novosti" ("Vahid xəbərlər") telemarafonunun efirində bəyan edib. Məlumatı "unian.net" nəşri yayıb.

"Növbəti "Ramştayn"dan hər halda təyyarələr barədə yaxşı xəbərlər gözləyirik. Bizə bu qərar pilotların, texniklərin təlimi üzrə, döyüşün idarə edilməsi məqsədilə müəyyən addımları atmaq üçün lazımdır.

Qərar olacaqsa, o zaman "F-16" təyyarələrinin tədarükünün və silahlanmaya verilməsinin baş verəcəyi tarix bəlli olacaq", - İqnat deyib.

O, qeyd edib ki, hazırda tükənməyə yönələn müharibə gedir. "Yaxşı ki, bu müharibədə böyük ÜDM-ə, böyük hərbi gücə malik çoxlu sayda ölkələr bizə dəstək verir", - İqnat vurğulayıb.

Onun sözlərinə görə, Qərbin Ukraynaya tez yardım edilməsi üçün belə məsrəflərə və silahlandırmağa hazır olmamağına rəğmən, hazırda tədarük gücü artmaqdadır.

O cümlədən, İqnat məlumat verib ki, Almaniyadan raketlərlə birgə "IRIS-T" sistemlərinin gücünün artırılması gözlənilir. O, qeyd edib ki, "IRIS-T" son dərəcə güclü sistemdir və faktiki olaraq bütün hədəfləri vurub.

İqnat həmçinin qeyd edib ki, Norveç və ABŞ tərəfindən "NASAMS" batareyalarının tədarükü elan edilib və onlar hissə-hissə Ukraynaya gətiriləcək.

O, qeyd edib ki, Pasxadan sonra "Patriot" sistemlərinin veriləcəyi gözlənilir. Ukraynaya həmçinin "SAMP-T" HHM sistemlərinin daxil olacağı gözlənilir.

O, xatırladıb ki, "Patriot" və "SAMP-T" kompleksləri böyük məsafələrdə Rusiya aviasiyasını vura bilir.

"Ramştayn-11" və aviasiyanın verilməsi-bəlli olanlar

Ukraynanın müdafiəsi üsrə Təmas qrupunun növbəti, 11-ci iclası aprelin 21-də "Ramştayn" hərbi-hava bazasında keçiriləcək.

İlkin iclas videoformatda baş tutub. ABŞ müdafiə naziri Lloyd Ostin "Ramştayn" formatında beynəlxalq koalsiyaya Ukraynanın müdafiəsinin güclənəndirilməsi üzrə öhdəlikləri tez bir zamanda və dolğun icrasına çağırış edib.

Ukrayna Qərb tərəfdaşlarından müasir "F-16" qırıcılarının verilməsini xahiş edir, lakin bu barədə qərar nə ABŞ, nə də digər ölkələr tərəfindən qəbul edilməyib.

Ukrayna Silahlı Qüvvələrinin Hava Qüvvələrinin komandanı Yuri İqnat bəyan edib ki, Ukraynanın müdafiə qüvvələri NATO üzvü olan ölkələrin malik olduğu Amerikanın "F-15" və "F-16" qırıcılarını alacağı təqdirdə işğal edilmiş əraziləri tez bir zamanda azad edə bilər.

Onun sözlərinə görə, ukraynalı hərbi təyyarəçilər yarım ildən az müddət ərzində "F-16" təyyarələrində uçmağı öyrənə bilər.

Aprelin 6-da bəlli olub ki, iki ukraynalı pilot ABŞ-ın müasir qırıcılarında testlərdən uğurla keçib.

Aprelin 11-də Danimarkanın müdafiə naziri vəzifələrini icra edən Troels Lund Poulsen bəyan edib ki, Ukraynaya "F-16" təyyarələrinin verilməsi qərarı müttəfiq ölkələrlə birgə qəbul edilməlidir.

Moderator.az

Telegramda izləyin