İspaniyanın Fransa ilə sərhədində meşə yanğını nəticəsində 300 nəfər təxliyə edilib

İspaniyanın Fransa ilə sərhədində yerləşən Portbou qəsəbəsində baş verən meşə yanğınına görə 300 nəfər təxliyə edilib. İki ölkəni birləşdirən qatar və yollar bağlanıb.

Sonxeber.az xəbər verir ki, İspaniya dövlət mediası sərhədin hər iki tərəfində ən azı 750 hektar ərazinin yandığını bildirib.

Kataloniya hökuməti Fransa tərəfindəki yanğınla mübarizəyə kömək etmək üçün 9 yanğınsöndürən göndərdiyini bildirib.

Bu arada, Aralıq dənizi sahilində yerləşən başqa bir Fransa şəhəri yaxınlığında ikinci yanğın baş verib.

Yüzlərlə yanğınsöndürən cəlb edilib.

İspaniya və Fransanın cənubunda keçən yay şiddətli quraqlıqdan sonra yağışın az olması ilə qış boyu meşə yanğınları yaşanmağa davam edib.

Telegramda izləyin