Rusiya və Çin müdafiə nazirləri iki ölkə arasında hərbi-texniki əməkdaşlığı müzakirə ediblər

Rusiyanın müdafiə naziri Sergey Şoyqu və Çinin müdafiə naziri Li Şanfu iki ölkə arasında hərbi-texniki əməkdaşlığın inkişafını müzakirə ediblər.

Sonxeber.az xəbər verir ki, təyinatından sonra ilk xarici səfərini Rusiyaya edən Li və Şoyqu paytaxt Moskvada görüşüb.

Şoyqu iki ölkə arasında strateji əlaqələrin ən yüksək səviyyədə olduğunu bildirib.
"Rusiya və Çin liderlərinin dünyada baş verən hadisələr fonunda qəbul etdikləri qərarlar uzunmüddətli münasibətlərin qurulmasında mühüm rol oynayır. Beynəlxalq arenada səylərimizin əlaqələndirilməsi dünyada vəziyyəti tarazlaşdırır və münaqişə potensialını azaldır.Əminəm ki, bu görüş müdafiə sahəsində Rusiya-Çin strateji tərəfdaşlığını daha da gücləndirəcək və qlobal -regional sahədə aktual məsələləri açıq müzakirə etməyə imkan verəcək" ,- deyə Şoyqu bildirib.
Şoyqu Rusiya və Çin silahlı qüvvələri arasında hərbi texnika sahəsində əməkdaşlığın gələcəkdə daha da inkişaf edəcəyinə ümid etdiyini bildirib.

Rusiya prezidenti Vladimir Putin və Çin prezidenti Si Tsinpin keçən ay Moskvada görüşüblər. İki ölkə liderlərinin iştirakı ilə Rusiya və Çin nümayəndə heyətləri arasında danışıqlar aparılıb, daha sonra iki ölkə arasında bəzi bəyannamələr imzalanıb.

Telegramda izləyin