"Dünyanın harasında bütün məsələlərlə bağlı referendum keçirirlər?" - Xamenei

İran ali dini lideri Ayətullah Əli Xamenei ölkədəki referendum təkliflərinə qarşı çıxıb.

Sonxeber.az İran dövlət televiziyasına istinadən xəbər verir ki, Xamenei dünən axşam saatlarında ölkə üzrə tələbələrin nümayəndələrini qəbul edib.

"Ölkənin bir neçə məsələsi referendumun mövzusu ola bilməz, çünki hər referendum 6 il ərzində bütün ölkəni əhatə edir. Dünyanın harasında bütün məsələlərlə bağlı referendum keçirirlər?" ,- deyə dini lider vurğulayıb.

Son illər İranın bəzi təbəqələri idarəetmə sistemi ilə bağlı referendumun keçirilməsinin zəruriliyindən danışır. Referendumun tərəfdarları arasında keçmiş prezident Həsən Ruhani də var. 2018-ci ildə inqilab bayramı zamanı etdiyi çıxışda Ruhani ölkədəki fikir ayrılıqlarını aradan qaldırmaq üçün referendum keçirilməsini təklif edib.

2009-cu il prezident seçkilərindən sonra ölkədə baş verən hadisələrdən sonra ev dustaqlığına buraxılan Mir Hüseyn Musəvi də İranı xilas etmək üçün yeni sistemin qurulmasını, yeni konstitusiya və konstitusiya referendumunun keçirilməsini tələb edib.

Şəbnəm Lətifi

Telegramda izləyin