Şövkət Ələkbərova ona mahnı həsr etdi - ilk qadın neftçimiz
"Xoşbəxt Yusifzadə ilə birgə oxuyub, bir işləmişik, indi də yaxın dostuq"
"Çox sevinirəm ki, xalqım, dövlətim məni hər zaman yüksək qiymətləndirib. İş yerim neft daşları olub. Neft daşlarında işləyən ilk azərbaycanlı və ali təhsilli, netçi, geoloq qadınam. Hətta o vaxt Şövkət Ələkbərova mənə "Bakılı qız" adlı bir mahnı da həsr etmişdi. Neftçi olmaq mənim arzum olub. Mən dənizə gedib-gəlirdim. Anam dənizdə işləməyimi biləndə dedi ki, olmaz. Neft daşlarında işləmək çox çətin idi. İlk azərbaycanlı qız idim. Xəbər tutandan sonra aləm bir-birinə dəydi. Onlar düşünürdülər ki, bu cür çətin yerdə qız işləyər?! Gözlərinə inanmırdılar ki, orada işləyən qızdır? Gəlib, baxıb gedirdilər, görürdülər ki, bir arıq qız o yana, bu yana qaçır".
Bunu ilk ali təhsilli neftçi qadın Minirə Məmmədbəyli deyib.
"Neft daşları nə qədər küləkli, açıq havada dənizdə çalışmaq nə qədər çətin olsa da, işimdə çox məsuliyyətli olmuşam. Neftçi qadın olmaq üçün əvvəlcə gərək özündə bir güc tapasan. Bu o deməkdir ki, sən neft işini yaxşı bilməlisən. Təhsil də mütləq olmalıdır. Mən əlaçı olmuşam. Xoşbəxt Yusifzadə bir yerdə işləmişik. O məndən 2 il əvvəl qurtarıb, məndən öncə neft daşlarına gəlmişdi. O da əlaçı idi, mən də. Xoşbəxt Yusifzadə ilə çox yaxın idik, o illərdən heç nə dəyişməyib, biz indi də yaxınıq. Neftçi olmaq çox çətin, məsuliyyətli bir peşədir. Çünki sən tək öz həyatını yox, başqalarının həyatını da düşünməlisən" deyə Minirə Məmmədbəyli deyib.
Minirə Məmmədbəyli neft daşlarında çalışarkən onun rəsmini ilk qadın rəssamımız Vəcihə Səmədova çəkib.
"Neft daşlarında olanda bir də gördüm ki, xalq rəssamı Vəcihə Səmədova öz fırçasını, bütün əşyalarını götürüb, yanıma gəldi. Onun məqsədi məni neft daşlarında çəkmək idi. Onunla sözləşmişdik ki,DəTəxminən 4-5 ay bir şəkilin üstündə işlədi. Həmişə mənə deyirdi ki, "Minirə, portret çəkmək, neft çıxarmaqdan asan deyil ha, səbirli ol" deyə neftçi deyib.
Minirə Məmmədbəyli bildirib ki, həyat yoldaşı ilə də neft daşlarında tanış olub.
"Həyat yoldaşım Sədrəddin Həmidov da neftçi idi. Paralel, amma başqa fakültələrdə oxuyurduq. Onunla neft daşlarında tanış olmuşam. Həmişə arxamca gəlib-gedərdi. Onunla birgə bir çox dünya ölkələrində, ələxsus Viyetnamda da olmuşam. Əvvəlcədən mənimlə şərt kəsdi ki, "mən səninlə işdə yaxınlıq edə bilməyəcəm, işdə yadından çıxaracaqsan ki, mən sənin yoldaşınam". Dediyi kimi də etdim. Biləvasitə rəhbərliyim ilə 1979-1984-cü illərdə Xəzər Dənizi, Qara Dəniz, Baltik dənizi, Oxot dənizi, Ağ dənizdə geoloji kəşfiyyat işləri aparmışam. Həmçinin geologiya sahəsində 50-yə yaxın elmi məqalənin müəllifiyəm" deyə Minirə Məmmədbəyli bildirib.
Moderator.az
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş