Böyük Britaniya süni intellekt üçün 124 milyon dollar ayırıb

Böyük Britaniyanın baş naziri Rişi Sunak ölkəsinin süni intellekt (AI) sahəsində imkanlarını artırmaq üçün 100 milyon funt sterlinq (124 milyon dollar) fond və xüsusi tapşırıqlar komitəsinin yaradılacağını açıqlayıb.
Sonxeber.az xəbər verir ki, Britaniya hökumətindən verilən açıqlamaya görə süni intellekt sahəsində işləri sürətləndirmək üçün start-up fondu olaraq 100 milyon funt sterlinq ayrılıb.

Bu kontekstdə yaradılacaq xüsusi tapşırıq komitəsi ölkə daxilində təhlükəsiz və etibarlı süni intellektin istifadəsini inkişaf etdirəcək və Böyük Britaniyanın bu texnologiyada qlobal rəqabətədavamlı olmasını təmin etməyə çalışacaq.

Açıqlamada fikirlərinə yer verilən İngiltərə Baş naziri Sunak, süni intellekt sahəsindəki işləri sürətləndirmək üçün 100 milyon funt sterlinq dəyərində ilkin fond yaradıldığını və bu sahəyə qoyulan sərmayələrin İngiltərənin elm olma hədəfinə töhfə verəcəyini qeyd edib.

Sunak suni intellektin iqtisadiyyatı inkişaf etdirmək, daha yaxşı maaşlı iş yerləri yaratmaq və sağlamlıq və təhlükəsizlik sahəsindəki irəliləyişlərlə daha yaxşı bir gələcək yaratmaq üçün imkanlar təqdim etdiyini deyib.

Telegramda izləyin