İsrail qüvvələri iki fələstinlini öldürüb

İsrail qüvvələri İordan çayının qərb sahilində Cenin şəhərinin cənubunda yerləşən Kabatya qəsəbəsinə basqın zamanı 2 fələstinlini öldürüb, 1 nəfəri yaralayıb.

Sonxeber.az Fələstinin rəsmi xəbər agentliyi WAFA-ya istinadən xəbər verir ki, Kabatya qəsəbəsinə daxil olan çoxlu sayda işğalçı qüvvə qərb məhəllələrindəki evlərə basqın edib, evlərin mebellərinə ziyan vurub.

Basqın zamanı Kabatyada İsrail qüvvələri ilə onların qarşısını almaq istəyən fələstinli gənclər arasında qarşıdurma yaşanıb. İsrail hərbçilərinin avtomobili güclü atəşə tutması nəticəsində 2 fələstinli ölüb, 1 nəfər isə yaralanıb.

Cenin Dövlət Xəstəxanasının direktoru Visam Bekr iki gəncin şəhid olduğunu, Əhməd Camal Tevfik Assaf Kumeylin Kabatyalı və Verani Vəlid Əhmədin Ceninli olduğunu qeyd edib.

İlin əvvəlindən bəri İsrail qüvvələrinin İordan çayının qərb sahili və Qəzzada açdığı atəş nəticəsində həyatını itirənlərin sayı son iki nəfərlə birlikdə 127-yə yüksəlib. Ölənlər arasında 24 uşaq və 6 qadın var.

Telegramda izləyin